Эссе және өлең-жыр байқауы

Ақсақ киік

  • admin
  • 17.02.2016
  • 2
  • 31
  • 53023
Арқаның Бетпақ деген даласы бар,
Бетпақ - шөл, ойлы-қырлы панасы бар.
Сол шөлде ел жоқ, күн жоқ өсіп-өнген
Жәндіктің киік деген баласы бар.

Бетпақта қысы-жазы ел болмайды,
Ел-жайлау, өзен яки көл болмайды.
Бұтасы қу баялыш, қара жусан,
Көгала бетегелі бел болмайды.

Бетпақтың көлденеңі сегіз көштік,
Сайланып қыс ішінде талай көштік.
Азамат, ат пен айғыр, атан ғана
Шыдар деп қоста отырып, талай дестік.

Бетпақта елсіз-көлсіз өсіп-өнген,
Жалғыз-ақ құлан, киік шөлге көнген.
Қазақтың малдарындай қыбырласып,
Әр ойдан топ-топ болып жусап өрген.

Жалғыз-ақ ел жылында көшіп өтер,
Асығып қар суымен "несіп етер".
Қаптасып, көшкен елмен дамыл алмай,
Мергендер аң ауласып кәсіп етер.

Мергендер дамыл алмай киікті атқан,
Ауылды қан сасытып топырлатқан.
Киікті ойлай ма екен таусылар деп,
Азайып бірте-бірте келе жатқан!..

Бетпақтың көкпек, жусан, шөбі сұйық,
Сол шөпті қорек қылған байғұс киік.
Таңы - аппақ, екі көзі мөлдір қара,
Тигендей емес адам көзі қиып.

Киікті қазақ және дейді бөкен,
Бетпақты бұл бейшара қылған мекен.
Бөкенді атып мерген өлтіргенде,
Жазасыз жан өлді деп ойлай ма екен?

Бөкеннен сұлу аңды мен көрмедім,
Өзге аңға жануарды тең көрмедім.
Көздері мөлдіреген ақбөкенді
Адамның баласынан кем көрмедім.

Қап-қара екі көзі мөлдіреген,
Әдемі екі танау желбіреген.
Елеңдеп жас балаша жалтаңдайды,
Жел түрткен жусаннан да селдіреген.

Азайды соңғы кезде байғұс бөкен,
Мың-мыңнан баяғыда өреді екен.
Бұл күнде келе жатқан жолаушыға,
Кез келеді анда-санда саяқ-некен.

Кей қазақ әдет қылған киік атып,
Мүйізін пайда қылып, шетке сатып.
Сандалған бір киікке ұшырастым,
Бір жылы Бетпақ шөлде келе жатып.

Бетпақта келе жатты ақсақ киік,
Сандалып қаңғырақтап басын иіп.
Пана іздеп шыбын жанға сүйретіліп,
Мергеннің кеудесіне оғы тиіп.

Тамады қара жерге аққан қаны,
Қиналып ентігеді шыбын жаны.
Боялып ақ денесі қызыл қанға,
Келеді әлі кетіп жығылғалы.

Қиырсыз, Бетпақ дала... қураған шөл...
Жалғыз-ақ сырғандайды қоңылтақ жел.
Меңіреу... тірі жан жоқ... жып-жылмағай.
Ел қайда? Ел алыста - шулаған ел!

Сандалып келе жатты ақсақ киік,
Бір тоқтап, анда-санда әлін жиып...
Ақбөкен сахаранын бота көзі,
Атты екен қандай мерген көзі қиып?

Келеді қаңғылақтап жалғыз өзі,
Тілі жоқ, құр жүректе айтар сөзі.
Шағады шыбын жанның қиналғанын
Жалғыз-ақ мөлдіреген екі көзі.

Жапанда еш сая жоқ шыбын жанға,
Моншақтап жерге тамған қызыл қанға.
Жапанда басын сүйер тірі жан жоқ,
Әл кетіп сорлы киік жығылғанда!..

Бота көз сахарада қына терген,
Кім екен жапан түзде сені көрген?
Аяныш сезімі жоқ бір қазақ-ау,
Дәл көздеп жүрегіңе атқан мерген!..

Басқа да өлеңдері

Біз

  • 0
  • 6

Асау өсіп арқада
Жүген, құрық тимеген,
Матау көрмей ер жетіп,
Жасынан ноқта кимеген

Толық

Күздігүні далада

  • 0
  • 9

Сарнайды бүгін жел неге,
Жапырақтар сыңсып тулайды?
Күңіреніп бүгін көл неге,
Соқтығып мұнша тулайды?

Толық

Біздің жақта

  • 1
  • 25

Шалқыған біздің жақтың көлдері бар,
Ағашты биік таулы жерлері бар.
Өзен, су, көлдер жайлап, тау қыстайтын
Меймандос, берекелі елдері бар.

Толық


Пікірлер (31)

Аружан

Керемет

Аружан

Маған ұнады

Елдар

Маган барыде унады ал сыздергеше

Елдар

Маган унады сыздергеше унадыма

мағжан

өте жақсы екен

Аружан

Биз буны 31 01 17 окыдык оте

Дарибек Назгуль

Керемет

Айя

Сөз жоқ)
Керемет жазылған!

Фаёк

Ия жаксы өлең ұнайды бұрыннан

амина

Ия өте керемет мұндай керемет өлеңді естіп көрмеппін

амина

өте керемет

Ербол

Оте жаксы олен екен

Амина

Өте керемет бәрі түсінікті

Динара

Оте керемет жазылган.Маган унады.

акмаржан

Өте керемет олендер

Ғани

Керемет өлең

а

бәріне ұнаған онда неге лайк баспағансыздар бұл жазудан оңайырақ қой соны түсіне алмай отырмын)))

Нұрай

Керемет өлең ғой. Жас келеді

Ұлан

С.Сейфуллиннің Ақсақ киік өлеңіндегі ақынның сұлулыққа көз қарасы

Балғын Алдажан

Өте керемет
Сөз жоқ.
Маған ұнады

Байжігіт

өте керемет екен қандай аянышты

Фарида

Мағанда ұнады.Басқаларынада оқып көрсін деп айтамын.

Зияда

Кішкентайымда осы өлеңді әнімен айтушы едім.іздеп таптым.

Фаузия

Оқушымды" Сәкен оқуларына" дайындайын дегем өте жақсы көмек болды

Фаузия

Керемет

Айдана

өте əдемі өлген керемет

Шəміл Динара

өте аянышты əрі керемет жазылған өлең

Гулдана

Керемет

Гулдана

Керемет оте кушти

Асок

Күшті

Пікір қалдырыңыз

Басқа сайттағы жаңалықтар:

Жүктелуде...