Өлең, жыр, ақындар

Перзенттерінің аналарына тілегі

  • 03.03.2016
  • 0
  • 1
  • 5127
Өсіп-жетілдік сенім бағында,
Сенімнің бағы - ана мейірімі.
Күндерді осы сенің барыңда
Санаймыз, ана, өмір сыйлығы.

Әрбір күніміз сен барда ыстық,
Сенің болғаның бізге бағалы.
Сенімен бірге бақытты құштық,
Ана мейірімі күліп қарады.

Ортасында өзің болып көп істің,
Мақсаттарға да бұрған сен, ана.
Өмірде жеткен әрбір жеңістің
Бастауында да тұрған сен, ана.

Білінбейді екен еленіп уақыт,
Сен барда, ана, қамсыз балапан.
Оған да ертең келеді бақыт,
Өйткені сенен жылу тараған.

Ертең де болар оның шат жаны,
Есіміңді оқып өлең-дастаннан.
Тіршілік жолдың әрбір соқпағы
Өйткені, ана, сенен басталған.

Шаттаншы бізбен қосылып, ана,
Болсын деп ұзақ осы күн, ана.
Бақыт күндердің бастауы болған
Өзіңнің әр кез есімің, ана.

Әрбір күніміз бізге бүгін құт,
Сен барсың бірге, ана, өйткені.
Адалдық жолын сенен ұғындық
Осынау жол деп өмір мектебі.

Мейірім атты бейнеден тұрған
Жүзіңді тәңір жасапты керім.
Сол жүзде әр кез салтанат құрған
Тұрады өшпей тәубешіл сенім.

Арналған кеше біз үшін уақыт
Күнің мен түнің қаншама, ана.
Перзент боп бүгін тіледік бақыт,
Болмасын мұңың, шаршама, ана.

Сәбиге иіп шыр еткен, ана,
Сол жүзден енді шаттық кетпесін,
Жазылған атың жүректе дара
Перзенттер үшін ең бір текті есім.



Пікірлер (1)

Сәлімжан Әлислам

Ғабит Мүсіреповтын ана туралы өлендері маған қатты ұнады

Пікір қалдырыңыз

Махаббат күні

  • 0
  • 2

Жан сырымды көзімнен жалықпай ұқ,
Бөтен мінез ешқашан танытпайық.
Сыңарына сыр ашқан қос аққудай
Махаббаттың көгінде қалықтайық.

Толық

Үмiт-көңiл

  • 0
  • 1

Қиял, шiркiн, самғай да алар ендi,
Мұңлы ой бiртiндеп санаға ендi.
Отыз асты, сонда да тұрмыс құру,
Баяғыша арман боп қала бердi.

Толық

Бақыттың тойы басталды

  • 0
  • 1

Келеді бүгін көгімнен тағы атып күн,
Шырқайтын сәті бақ тілеп жасқа уақыттың.
Қос аққу болып жұбайлық өмір басталып,
Көтерілді туы бақыттың.

Толық

Қарап көріңіз