Өлең, жыр, ақындар

Ананың тілегі

  • 28.06.2016
  • 0
  • 3
  • 25153
Өмірден ылғи нұр күттім,
кешсем де талай өткелін.
Таңданам бүгін, тірліктің
құпиясы, мұнша көп пе едің?
Мол екен жұмбақтары да,
зардаймын ойсыз күніме.
Нәзіктеу мөлдір жаныма
ауырлау ғасыр жүгі де.
Қуаныш құяр көңілге
сиреді салқам сырласым.
Жыл өткен сайын өмірде
рахаттан гөрі мұң басым.
Жабырқап жарқын жамалым,
күдіктер жайлап сананы,
Бала өскен сайын ананың
бейнеті де өсіп барады.
Қоңыраулы күлкі қалды күн
шалқитын шартқа шектелмей.
Дос кеуделердің барлығын
күншілдік кеулеп кеткендей.
Серілік, сенім тұл бүгін,
жүрмейтін бір кез таң қылмай.
Шарқ ұрып жеткен шындығың
шілдеден соңғы шалғындай.
Жылуын жоймай Жер-бесік,
тұрса деп өшпей ізгі арман -
қорғаштап келем сең кешіп
қараулықтардан, ызғардан.
Тарландай уақыт тақымдар,
сенделтер салқын сеңдері.
Ей, Өмір, саған датым бар -
жалғыз-ақ тілек мендегі:
тоғытпа мейлің ақ нұрға?.;
сынағыңды әлі дайында,
нәзіктігімді тек қалдыр да,
аналығымнан айырма!...



Пікірлер (3)

Гулмира

Рахмет сіздерге фАРИЗА АПАМЫЗДЫҢ ӨЛЕҢДЕРІ ӨТЕ ҚАЖЕТ ЕДІ

Айя

Жақсы өлеңдер екен

Қарақат

маған қатты ұнады өте күшті өлеңдер жүрекке жол табады

Пікір қалдырыңыз

Менің халқым

  • 0
  • 0

Қашқын ба, қарақшы ма кемедегі,
әлсіз бе қозғай алмас тегенені,
"Мен ұлттық батырмын!" – деп шықса біреу,
соңынан жапырласып ел ереді.

Толық

Мұнай теңізі

  • 0
  • 1

Мұнай теңізі - Фариза Оңғарсынова
Кең даланың астында
Ғажап теңіз бар екен.
Жер бетіне тасқындап

Толық

Қанатты шақ

  • 0
  • 0

Құс қанат біткен жандайын,
қақтырып жердің таңдайын,
аспанды серпіп самғайын.
Жұлдызды мұздар маңында,

Толық

Қарап көріңіз