Нұркен Тохаев

Шетелге сатылған сәбиге

Бұл бетте «Шетелге сатылған сәбиге» атты Нұркен Тохаев жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

Nurken1988
06.11.2017
1
0
7459

Қандасым-ай, қамкөңіл бауырым-ай,
Өзіңмен қоштасудың ауырын-ай.
Қайда жүрсең аман болса, пәк сәбиім,
Жалғыздың әрқашан да жары құдай.

Тастанды едің, тастаған анаң қиып,
Зарлатқан тумай жатып заман-күйік.
Ақшасы көп шет елдік алып жатыр,
Елімнен жетім қалған адам жиып.

Сен-дағы кетесің-ау, жат бауыр боп,
Тастанды болғаннан соң тас бауыр боп.
Қайыршы тірлікке бұл не істей алам,
Жұқалтаң қаймағынан қаспағы көп.

Ұмытарсың тіліңді, дініңді де,
Өмірің де ұқсамас бүгінгіге.
Түрің қазақ болғанмен сырың басқа,
Өзге жақтан аларсың білімді де.

Қандасым-ай, қамкөңіл бауырым-ай,
Өзіңмен қоштасудың ауырын-ай.
Қайда жүрсең аман болса, пәк сәбиім,
Жалғыздың әрқашан да жары құдай.

Next тіл діл сәби шетел бауыр тастанды шетелге сатылған сәбиге Nurken1988 өлеңдері

Пікірлер (0)

Пікір қалдырыңыз

Жиі қойылатын сұрақтар