Мазасыз - ..., мазасыз - ...

Ей, мазасыз, мені қажытпашы,
Жаман ойдың түймелерін ағытпашы.
Қарияға дуалы бата сыйлап,
Жас өренді адал жолға бағытташы.

- Пәлі, «мазасыз»деген не нәрсе?
Деп қайратым жүрегімнен сұрапты.
«Мазасыз»деген біріншіден- жастық шақ
Ақылсызды оңдырмай ойға құлатты.

Сол ақылсыз жақсылыққа құнықпады,
«Мазасыз» сондайларды құрықтады.
Шырмалған шырғалаңға кіріп кетті,
Арпалыстан едәуір құрып әлі.

- Япыр-ау, көмектесер ешкім жок па?!
Деп қайратым тағы да таңданады.
- Несіне таңданасың ол пенде ғой,
Жасы келсе егделікке қамданады.

Мейлі гой жастығың зуылдайды,
Сонда да мазасыз ой туындайды.
Есіктен сығалаған қарттығыңды
Босағадан «кет» десең де қуылмайды.

Кіріп келер мазасыз кәрілігің,
Ұмыт болар кешегіңнің бәрі бүгін.
Жүрегіңде иманың, ақ батаң жоқ,
Әйтеуір «ішің түтін,сыртың бүтін».

Тыңда, қайрат, сенің де орның бөлек.
Рухымызды көтересің желеп-жебеп.
Ақылдың да бұл жерде кінәсі жоқ,
Пендесіне жаны ашитын шыр көбелек.

Тек мұны Адамзатым байқамайды,
Бас ауыртып аз санасын шайқамайды.
Жүрегіне иман түйіп ұстамаса,
Нашар қылық қылмысын қайталайды.

Бар білерім ақылым жүрекпенен
Бір болмаса жалғанда бәрі бекер.
Бірімен шешіп, екіншісін тыңдамаса,
Аз ғұмырың сыйықсыз өтер-кетер!



Бимырзаева Әсел Маханбетқызы
Түркістан қаласы

---