Өміріңді өзгеге бересің бе?

Өмір деген-тамаша сенесің бе,
Қайта-қайта сүрмейсің келесіде.
Жек көрем деп налисың өміріңе,
Ал өміріңді өзгеге бересің бе?!

Өмір ұстаз болады адамдарға,
Үйретеді жетуді ақ арманға.
''Мықтымын''деп өмірде жылайсың кеп,
Өмір жақсы пендесін сынағанда.

Қайта-қайта өмірге біз келмейміз,
Адамбыз ғой,оңай біз өзгермейміз.
Тірісінде адамның жақсылығын,
Сезбейміз де ,кеткен соң,түгендейміз.

Адамбыз ғой,күлеміз тік тұрғанда,
Көрмек болдың алдамшы жол бұрғанда.
Бірақ ерте түсінбей,кеш сеземіз,
Хақ тағалам төбеңен нақ ұрғанда.

Адамбыз ғой,қайтеміз пендеміз ғой,
Қателесу үшін де келгенбіз ғой.
Біліп тұрып істейміз бір нəрсені,
Алдын ала бəрін де сезгенбіз ғой.

Біле тұра істейміз жанға жаман,
Сөйлейміз,жүрек пен жанға таман.
Қателеспей өмірде бақыт дəмін,
Тату бізге қиын еді,сонысы жаман.

Өмір деген-кеме ғой жүзіп жатқан,
Біреудің таңы атып,кеші батқан.
Жасар жасы таусылып ұрпағына,
Өз өмірін табыстап бара жатқан.

---