Уақыт, өмір, бақыт

Уақыт - бұзық бір қарамай обалға,
Бір күндері бізді бәлкім тонар ма?
Мен өмірге енді оралып келмеймін,
Мүмкін соның өзі қызық болар ма?

Өмір - арба тағдыр оның жетегі,
Жегілуге бәрімізге жетеді.
Бірақ соған қорланбасын ешкім де,
Қайғы адамды қара жүрек етеді.

Бақыт кептер келеді ұшып кетеді,
Жоқ оның да тұрақты бір мекені.
Бір ақиқат әлсіз туған жандарды,
Сол бақытың өркөкірек етеді!

Солай өтер бұл өмірдің сынағы,
Бірі сынып, мыңы түлеп шығады.
Бұл өмірді білмегенің барып көр,
Білім қуған біліктілер жұмағы.