Тіл - тірегім – Назира Төрехан

Тіл - тірегім, Отанымның тірегі,
Əр қазақтың тіл деп соқсын жүрегі!
Ана тілім - қазақ тілі бар кезде,
Отанымыз мəңгі өмір сүреді.

Тіл - теңдігім, Отанымның теңдігі,
Мақтан етем туған жердің кеңдігін.
Жер мен тілді қорғай білсек əрдайым,
Мəңгілікке бағыт ұстар елдігім.

Бабам тілі сан ғасырлар сөйлеген,
Талай шешен дауды шешкен сөзбенен.
Түйінді сөз алмас қылыш секілді,
Талай ойды қасиетімен тербеген.

Өткір тілмен айтылғанда ой деген,
Жан дүниең, сезімің де өзгерген.
Сезіміңді ана тілмен бейнеле,
Неге іздейсің басқа тілді өзгеден?!

Тіл - тағдырым, тіл - тарихым, тəрбием,
Болашаққа бағыт берер тіл деген.
Өз тілінде өнер-білім үйренген,
Əрқашанда биік тұрар өзгеден.

Тіл - ырысым, тіл - тынысым, тұғырым,
Тіл арқылы өлшенеді ғұмырым.
Тілден күшті құдіретті көрмедім,
Құдіретін тереңінен ұғынғын.

Тіл - қайратым, тіл - қуатым, құралым,
Өз тілімде мен сөзімді құрадым.
Ана сүті тал бойыңа дарытқан,
Ана тілді құрметтеуді сұрадым!