Абзал Алтый

Құлшылық

Бұл бетте «Құлшылық» атты Абзал Алтый жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

AbzalAltiy
28.11.2017
0
0
5478

Шүкір де көңіл,алашағым аз деме
Тағына да,құнықпа алтын тәжге де
Нағыз бақыт нұры көктен төгіліп
Алғаш рет құладым бүгін сәждеге

Күнде басқа қона бермес бақ деген
Қаласа Алла нұрға толар хақ төбең
Тым ерекше,ғажайып бір күй кештім
Жайнамазға маңдайым тиген сәтте мен

Жоққа сабыр,барымызға қанағат
Бұл жалғанда өлшеулі өмір,шамалы ақ
Сын сағатың сынып қалмай тұрғанда
Құлшылыққа асығайық жамағат!

Парызың бұл,қарамайтын уәжге де
Сылтау етпе,уақытым да аз деме
Бақыт,байлық іздеп жүрмін дейсің бе?
Сенші маған,барлығы да сәждеде...

Next жасақын жасұрпақ мүшайра байқау өлең поэзия құлшылық AbzalAltiy өлеңдері

Пікірлер (0)

Пікір қалдырыңыз

Жиі қойылатын сұрақтар