Мен - әйелмін – Тойлыбай Айнұр

...Мен - әйелмін...
Жылап та тұрып күле алам,
Құлап та жатып жүре алама.
Мен - әйелмін өйткені
Қалай да өмір сүре алам.

Қаруым - қызық қылығым,
Әйелдің әйтеу сыры мың.
Бүтіндеп былдірмей қоямыз
Тірліктің кейбіреу сынығын.
Басқасын білмеймін, бірақта
Әйелдер...әйелдер шын ұғым...

Әлемді тербейтін тағы мен
Күзетіп түнді де таңымен.
Сонда да бір шағым айтпаймын
Әйелдің неткен-ау жаны кең!

Үйдегі асау адамның
Ашуын білдірмей басамыз.
Арыстан мінезді ырсылсыз
Тыншытқан ,әйелдер,
Жүз ғасыр, мың ғасыр жасаңыз.

Өмірдің жеңе алмай әлегін,
Жүргенде таба алмай бәрі емін
Тігісін жатқызып тастаймыз
Айласын қолданып әйелдің...

Әзілдің отауы келіншекте
Сөзер де шығады біздерден.
Сөкпеңдер, табиғат солай ғой
Пыш-пышпен әйелдер күн көрген.

Ұрыспаймыз ақыра-жекіре
Үркітіп айнала барлығын.
Жай ғана қиылып өтіне
Ашамыз қылықтың сандығын.

Аңырап біз жоқта үйіміз
Қалады кеткендей біз алып.
Осыдан түйін түйіңіз
Бола ма әйелсіз күйіңіз?..