Өлең, жыр, ақындар

Балама

  • 29.03.2018
  • 0
  • 0
  • 5564
Есің де кірді, есейдің, балам,
Ертеңге барар ашылды жолың.
Әке деп маған болмай-ақ. алаң,
Таба бер енді құрбыңның тобын.
Көп емес ақылым артылар саған,
Не керек бекер білгірлік айтып.
Азаймаса екен мейрімің маған,
Келгенде ұзақ жолдардан қайтып.
Ағаны сыйла ағарған шашы,
Аңдамай кейде тимесін тілің.
Үлкеннің шашы - менің де шашым,
Есіңе сақта, осыны, күнім!
* * *
Кедеймін деп қиналма,
Кедейлік демде етеді.
Қуанба дүние жиғанға,
Сүйгенің болса жетеді.
Атаққа, даңққа алданба,
Басыңнан о да өтеді.
Қинаса жауың қорланба,
Сүйгенің болса жетеді.



Пікірлер (0)

Пікір қалдырыңыз

Сайра, бұлбұл

  • 0
  • 0

Сайра, бұлбұл, сайра, сайра гүлдерге,
Жүрегіңнің сарқылғанша төк жырын.
Жырламасаң жазғы нұрлы күндерде
Қалмас күздің ызғарынан бір гүлің.

Толық

Көкек

  • 0
  • 0

Бір қонып, бір секектеп,
Атым менің «көкек!»- деп.
Керек болса саған жаз
Келдім дейді жетектеп.

Толық

Төтелер туралы

  • 0
  • 0

Төтелер көп қой, төтелер
Тікелей тартып жетелер.
Тозбасын десең табаның,
Төтемен тарт та кете бер.

Толық

Қарап көріңіз