Өлең, жыр, ақындар

Жүреді біреу жақын кеп

  • 30.03.2018
  • 0
  • 0
  • 4542
Жүреді біреу жақын кеп
сәлемдесуге бата алмай,
«мінезі шәлкес ақын» деп,
айтулы мен бір қаталдай.
Ал біздің үйдің ірі-ұсақ
балалары үшін ең дана,
ең жайлы, жаны жылы, шат
әлемде жалғыз мен ғана.
Біреуі тартып шашымнан,
мінеді бірі ат қылып,
шықпайды бәрі қасымнан,
ентелеп келер аптығып.
(Кетеді сонда мұң демі,
тұрсам да жанды мұз қарып)
таласып маған жүргені
бірінен-бірі қызғанып.
Көңілінен шығар баршаның
мылқаумын мүлде үйде мен.
Кішкентайлардың жан шамын
жағатын нәзік күйге енем.
Жүремін ұқпай жат халық,
сұсты боп алыс жандарға,
мәңгілік жердей тапталып
үйдегі данышпандарға.



Пікірлер (0)

Пікір қалдырыңыз

Өзімді жүрегіңнің есі қылдың

  • 0
  • 1

Өзімді жүрегіңнің есі қылдың,
бұл жайды, амалым не, кеш ұғындым.
Өзіңді мен де оңаша қиялдадым,
жаным деп жүрегімнен күй арнадым.

Толық

Кітаптар

  • 0
  • 0

Күн нұры мен сау тамыр гүлдетеді бұтақты,
махаббат пен ұзақ жол туғызады кітапты.
Егер оның ішінде елдің иісі болмаса,
сұлу қызбен сүйіскен ердің иісі болмаса,

Толық

Сабақ

  • 0
  • 0

Сыйлағанмен жаманды
сыйласың болып жарытпас.
Жас жуғанда жанарды,
қимасың да қамықпас.

Толық

Қарап көріңіз