Марфуға Айтқожина

Қиыла қарап артта

Бұл бетте «Қиыла қарап артта» атты Марфуға Айтқожина жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

17.08.2018
0
0
1736

Жүрекке —
Жанарынан от жандырып,
Жаныңды —
Жымиғаны шаттандырып.
Қиыла артта қарап қалса шіркін,
Қимас қалқаң аулынан аттандырып.
Жанарын —
Жанған оттай шоқтандырып,
Сенің де —
Өзегінде шоқ қалдырып.
Қиыла қарап артта қалса шіркін,
Жаманат, жат көздерден сақтандырып.
Қимас дәурен —
Осынау шақтар қызық,
Ұсынады —
Раушанын бақтар да үзіп.
Арынды менің асау, күндерім–ай,
Жастықтың базарымен жатқан қызып.
Іздерінен —
Құйындай шаң боратып,
Қыз дүниені
Көркіне сан қаратып.
Жас жүрегі дамылсыз жанады екен,
Армандар кеудеде аппақ таңды оятып.
Жолында —
Жаудырап қап паң қарашық,
Назына —
Жарқын жүз бен жан жарасып.
"Барса келмес" махаббат аралында,
Дариғай–ай, қалар ма еді мәңгі адасып.
Жүрекке —
Жанарынан от жандырып,
Жаныңды —
Жымиғаны шаттандырып.
Қиыла қарап артта қалса шіркін,
Қимас қалқаң аулынан аттандырып.

Марфуға Айтқожина қиыла қарап артта... Марфуға Айтқожина өлеңдері

Пікірлер (0)

Пікір қалдырыңыз

Жиі қойылатын сұрақтар