Өлең, жыр, ақындар

Үлкен МХАТ-қа

  • 20.08.2018
  • 0
  • 0
  • 3006
Ел өссе жер үстінде, мендей өссін,
Сталин бақшасында гүлдей өссін,
Өрістеп ұлы ұяда, қыз қияда,
Мұхиттай суы шалқып, желдей өссін.
Ел өссе, мендей болып ғылым өссін,
Техника, мәдениет, білім өссін,
Басшысы большевиктер, елі ерікті
Өнерден басып өтпес менен ешкім.
Ұясы көркем өнер МХАТ ордам,
Қырық емес жүздеген жыл тойың келер.
Өнерпаз әлемге үлгі ұл өсірдің
Алтындай зер шебері тартқан сымнан.
Аузыма түсті еріксіз тағы Сталин,
Бахытты елге ұйыған шамы Сталин,
Көгінде сол көсемнің сен бір жеміс,
Шындықтың айнасы боп қарыштадың.
Алып ел, әлемдегі алып өнер,
Қырық емес жүздеген жыл тойып келер.
Өнердің жер үстінде бұл бесігі,
Мәпелеп ұл мен қызды өсір шебер.
Мен Жамбыл, үлкен МХАТ саған арнап,
Жіберем елден алғыс сәлем жалғап.
Өс, өрле, мәдениет қазынасы бол,
Ленин мен Сталиннің туын қолға ап.



Пікірлер (0)

Пікір қалдырыңыз

Мал өсірген аймаққа

  • 0
  • 0

Төрт түлікті өсірген,
Тұнық суды кешірген,
Колхоздағы ерлерім!
Құтты болсын съезге

Толық

X съезге

  • 0
  • 0

Жіберген елім таңдап ұлы тойға,
Ұлдарым, деп бахыттың қамын ойла.
Алуға Сталиннің алтын заңын —
Одақтас Қазақстан, абыройға.

Толық

Балаларға

  • 0
  • 19

Балалар, аманбысың шырақтарым,
Майысып көлге біткен құрақтарым!
Жүрмесем есендесіп тұра алмаймын,
Ішінен асып кетсе бір аптаның.

Толық

Қарап көріңіз

Басқа да жазбалар