Уақыт

Мықтап ұстап тізгінді,
Уақытты кім тоқтатпақ.
Өмір деген желдеткен,
Жеткізбейтін арғымақ.
Уақытқа бәрі бағынар,
Жануар, жәндік, адамың.
Жақсылық болсын әрдайым,
Әрбір басқан қадамың.
Ажалың келіп жеткенде,
Қараңғы болар жан-жағың.
Таразыда өлшенер,
Істеген ісің, амалың.
Уақытың келіп жеткенде,
Солар гүлдей ажарың.
Оралмайды-ау қайтадан,
Қызықты күндер базарың.
Уақыт өтер нөсер боп,
Өте шыққан селдетіп.
Жүрмейікші құр босқа,
Шегірткедей әндетіп.
Уақытты құр өткізбе,
Құмырсқадай еңбек ет.
Жүректегі арманға,
Талаптанып сен де жет.
Өнер үйрен, білім ал,
Сонда жерсің тәтті бал.
Өмір келмес екі рет,
Айтқан сөзді ұғып ал!