Өлеңдер Бөлімі

Ауылдың кешін сағындым

  • mendi
  • 16.09.2018
  • 0
  • 0
  • 5103
Ауылым алтын бесік, қара орманым,
Куәсі бал дәуреннің , ақ арманның.
Ауылым- иран бағым, жер жәннәтім,
Перзенттік парызым деп ән арнадым!
Әкемнің иісі бар шалғыныңда,
Самалың –алақаны жан анамның!!

ҚАЙЫРМАСЫ:
Аңқыған жұпар ауаң, көңілді, шалқыған ән,
Ауылдың кешін , ауылдың кешін,
Жыр тұнған кешін сағындым!
Ауылдың кешін , ауылдың кешін,
Сыр тұнған кешін сағындым!

Алаулап ұясына қонар күні,
Жұлдызы жымыңдаған мақпал түні.
Жамырап төрт түлігі көгенінде,
Естілер тіршіліктің көңілді үні.
Бұрқырап қара қазан, отта ойнап,
Шұбалған көкке өрлеп от түтіні.

ҚАЙЫРМАСЫ:
Атамдай кең пейілі, Әжемдей мол мейірі,
Ауылдың кешін , ауылдың кешін,
Жыр тұнған кешін сағындым!
Ауылдың кешін , ауылдың кешін,
Сыр тұнған кешін сағындым!

Алтын ай төңкерілген, күмбезді аспан,
Сырлы түн, сыршыл жүрек қол ұстасқан.
Махаббат мекені ғой, ауыл кеші,
Боз бала бойжеткенге сырын ашқан...
Жүректен ұмытылмастай орын алған,
Ғажап қой, ауыл кеші, мәңгі дастан!

ҚАЙЫРМАСЫ:
Ұйыған құт-береке, әр кеші жыр мереке,
Ауылдың кешін , ауылдың кешін,
Жыр тұнған кешін сағындым!
Ауылдың кешін , ауылдың кешін,
Сыр тұнған кешін сағындым!


Қарап көріңіз


Пікірлер (0)

Пікір қалдырыңыз

×