Сайтта техникалық жөндеу жұмыстары жүргізілуде. Қате байқалса, назар аудармауыңызды сұраймыз.

Меңдігүл Темірғалиева

ҮМІТ. СЕНІМ. МАХАББАТ

Бұл бетте «ҮМІТ. СЕНІМ. МАХАББАТ» атты Меңдігүл Темірғалиева жазған махаббат туралы өлең берілген. Өлең мәтіні, текст, өлең жолдары және толық нұсқасын осы жерден оқуға болады.

mendi
18.09.2018
1
0
6492

Бұлыңғыр кейде болса да кеше, бүгін күн,
Сейілмей сірә тұрса да күпті күдігім.
«Үмітсіз-шайтан» ... талмаймын үміт етуден,
Алдама мені, үзіле көрме, ҮМІТІМ!

Жетеле ҮМІТ, соңыңнан талмай еремін,
Үімітім-кеме, теңізді кешіп келемін...
Жүрегімдегі өшпейтін жалғыз алауым
Сенсің ғой, ҮМІТ, сен өшсең-мен де өлемін!

Өтуде жылдар... өтеді сырғып сері күн,
Жабығып Үміт іздесе бір сәт серігін.
Демеп те, жебеп,алдыға сүйрер ҮМІТТІ,
«Бәрі де жақсы болады!» деген СЕНІМІМ!

ҮМІТ пен СЕНІМ –екеуі менің тірегім,
Орындалады, арманым, ойым, тілегім!
ЖАҚСЫЛЫҚ, ҮМІТ, СЕНІМге мекен тұрақ боп,
Бүлкілде менің, МАХАББАТ толы жүрегім!

МАХАББАТ шексіз....Еліңе, Ана, Жарыңа,
Жақсы жандарға, Досыңа, Балаларыңа!
ҮМІТ пен СЕНІМ, МАХАББАТ берген жүрекке,
Өзіңе шүкір айтамын АЛЛА тағы да!!!

ішкі сезім үміт OYAN18 сенім үміт. сенім. махаббат. mendi өлеңдері

Пікірлер (0)

Пікір қалдырыңыз

Жиі қойылатын сұрақтар