Өлеңдер Бөлімі

Оян

Оян, жастар! нұрландыр жас санаңды,
Шығыңдар мақсатсыз ойдан қараңғы
Әрекет қыл. мақсат құршы алдыңа
Елге пайдаң тиетіндей жарамды

Арды сақтап, намысты жас болыңдар
Арзан күлкі, арам ойды қойыңдар
Құштар болып бәрін оқып білуге
Жігерлі боп, бақ жұлдызын жағыңдар.

Ояныңдар! Арылыңдар сайран салудан
Түн жамылып клубтарүа барудан,
"өз өмірім, өзім білем" десеңдер
Қағыларсың "дарынды" жас болудан.

Жагарында жалыны бар жас болып,
Сенім күшің лаулап жансын жалындап,
Жан-жақты боп, білмегенді үйренсең
Бұл өмірдің бар бақыты табылмақ!

Өзіңді оят! Жетіле түс аянба,
Жайдары бол, қайғыға бос салынба.
Нағыз бақыт қиын жолмен келеді
Жеңіл жолын іздеп бос сабылма.

Құмар болмай өсек пенен мақтанға
Ұмтылыңдар ел үмітін ақтауға.
Жігер беріп, үміттенген кешегі
Мағжан ақын сеніп кеткен жастарға!!


Қарап көріңіз


Пікірлер (0)

Пікір қалдырыңыз

×