Дос туралы ащы шындық

Өкпеледің өмірге, адамдарға,
Қателестің, шалт бастың қадамдарда.
Күлімдеген бір досың сен туралы
Өсек айтса, шын дос боп, санала ма?

Бір достар бар, қызғанар, көре алмайды,
Жылулығын, жан нұрын бере алмайды.
Бір достар бар, қатеңді әр кез түзеп,
Арамдықтың барына сене алмайды.

Бір достар бар "адалмын, доспын" дейді,
Көмек сұра, маған кел, боспын дейді.
Ал басыңа бұлт төнген күн туғанда,
Аулақ жүрер, мүмкіндік тоссын дейді.

Кездеседі ғұмырда осындайлар,
Бақыт та бар, көп әлі тосын жайлар
Ой електен өткізші өміріңді
Қасыңдағы досың кім, қандай адам?

---