Өлең, жыр, ақындар

Кел, болашақ

  • 18.04.2015
  • 2
  • 8
  • 43864
Көп құмарттым өмірге, көп көрмедім,
Үміт еттім ұмтылдым, көп терледім.
Ашкөзденіп қайтейін, ей, Болашақ,
Көрмеген күндерімді өткер менің.
Сапалақ сан ой мені мезі қылды,
Сен түйсін, түйсінбеген сезімімді.
Атан жортса арқамнан мыңқ етпеген,
Айыптасаң өзің біл төзімімді.
Жыр жорығына аттандым, кезіп жүрдім,
Мен бір сәт дамылдадым, көзімді ілдім.
Жазылмаған жырымды жалғайсың ба?
Жаңа жыр бастайсың ба, өзің білгін.
Жөн болмас, сірә, емірмен ұстасқаным,
Бір ғұмыр дүниенің құшпас бәрін.
Күнің шығып келеді, ей, Болашақ!
Бесінге ауып барады түскі аспаным...
Өмір - мәңгі, уақыт - мүмкін, елес,
Кел, Болашақ! Сауық құр, күлкіңе көш!
Бір күн шықса, бір күннің батуы анық,
Екі күннің тұруы мүмкін емес!



Пікірлер (8)

Дина

Керемет

Бека

Күшті

Айару

Керемет тамаша

Перизат

Жарайды

ӘСЕМ-АЙ

ЖАРАЙСЫЗ

Аяна

Дала қандай тамаша
Көз тоймайды қараса
Тұрады ағаш қараса
Қарайды адам тамсана

Аяна

Көктем!
Менің өкпем!
Тамсанамын сені көрсем!
Көктем айта кетем,
Қуанам сені көрсем!

Пікір қалдырыңыз

Дәрігеріме

  • 1
  • 12

Керегі жоқ,
Керегі жоқ,
Керегі жоқ бәрінің!
Иненің де керегі жоқ,

Толық

Арулар

  • 1
  • 11

Арулар - асыл жандар!
Шуақ боп шашылғандар,
Қуат боп тасынғандар,
Құшақ боп ашылғандар,

Толық

Сен менің жүрегімді жазалама

  • 1
  • 3

Сен менің жүрегімді жазалама,
Шыдайды ол қуанышқа, қазаға да,
Жүрек деген - сезім ғой, сезіміме
Сезіммен кел, болмаса мазалама.

Толық

Қарап көріңіз