Сайтта техникалық жөндеу жұмыстары жүргізілуде. Қате байқалса, назар аудармауыңызды сұраймыз.

Nurbek9523

Бәрі бітті дегенде басталады

Бұл бетте «Бәрі бітті дегенде басталады» атты Nurbek9523 жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

Nurbek9523
05.12.2018
0
0
6403

Бәрі бітті дегенде басталады,
Ашылады өмірдің қас қабағы.
Оянады кеудеңде алып арман,
-Қуаныштан жанарда жас қалады.

Соры қалың біреудің бағы басым,
Тағдырыңа амалсыз бағынасың.
Сүймеймін дегеніңді сүйіп қойып,
Сағынбаймын десеңде сағынасың.

Іштегіні көрмейді басқалары,
Жалғыз көңіл үнемі жасқанады.
Қара түнек көшеде адасқанда,
Жаңа бағыт алдыңа тасталады.

Үмітің жанбай жатып көз іледі,
Шипа болмай қояды төзім емі.
Соңғы сәуле күлімдеп үзілгенде,
Өмір сүргің келгені сезіледі.

Түспеді жерге айналып аспан әлі,
Бүгінен бастау керек бастаманы.
Бітсе бітсін бірақта ұмытпашы,
Бәрі бітті дегенде басталады.

Авторы: Нұрбек Бекұлы

OYAN18 бәрі бітті дегенде басталады Nurbek9523 өлеңдері

Пікірлер (0)

Пікір қалдырыңыз

Жиі қойылатын сұрақтар