Білімге ұмтылам

Ғажайып, теңдесі жоқ бұл ғаламда,
Бәрі-бәрі тиесілі тек адамға.
Өмірдің қожайыны болу үшін,
Білім керек оған, саған, маған да.

Ыбырай баба мектепті ашып берді,
Қолға ұстатты алғашқы әліппені,
Ұстаз қаққан қоңыраудың әз үні,
Оятты талай-талай шәкірттерді.

Содан бері, ықылым заман өтті,
Үйренді білімменен адам көпті.
Ғылымға да құлаш ұрып, ең ақыры,
Бағындырды көкте де самолетті.

Білімді ұрпақ танытты қазақ атын,
Абай менен Шәкәрім, Мағжан ақын.
Жыр - бұлақтан сусындап ішіп келем,
Содан болар, менің жаным жырға жақын

"Білімдінің күні жарық" дейді бабам,
Оқимын, біліміммен күндей жанам.
Зиялы ұлттың өкілі, ұрпағымын,
Әлі талай белесті, асуды алам.

---