Еңселі егемендік

Биік қойды қазағым ар-намысын,
Азат болу халықтың арманы шын.
Сезімдері болжаған алдағысын,
Ар-намысы өрбіткен толғанысын,
Жүректері жалынға толы болған
Ұлтшылдардың бейнесі-арда мүсін.

Елдің жырын жырлады жүректері,
Елдің туын көтерді білектері.
Қанша жүрек сол кезде дір етпеді,
Қанша ақын өз елін жыр етпеді?
Жатқанда көкіректе жүрек кегі,
Желтоқсанның есті ғой лептері.

Азатпыз біз!
Орнады егемен күн.
Қазақпыз біз!
Әз жұрты кемел елдің.
Тәуелсіздік!
Орнатып бақыт, шаттық,
Қуаныштың ақ нұрын төге келдің.
Осы бір күн-қазақтың азат күні,
Осы бір күн-бақыты өрелі елдің.
Осы бір күн-қазақтың ғажаптығы,
Осы бір күн-қазақтың қазақтығы!
Мәңгі болғай қазақтың азаттығы!

---