Ана тілім - арымсың

Қазақтың тілі- тірегім,
Лүпілдеп соққан жүрегім.
Айрылсам егертілімнен,
Қалайша өмір сүремін.

Жеріммен бірге тілімді,
Бабалар жаудан қорғаған.
Айтатын болсам шынымды,
Бәрінен қымбат ол маған.

Тілім бар жерде самғаймын,
Биікте ұшсам талмаймын.
Жүректен шыққан ақ ниет,
Балауса жырды арнаймын.

Мемлекеттік тілі деп,
Көктегі жарық күнім деп,
Анамдай сені көремін,
Алдымнан шығар күлімдеп.

Қазақтың асқақ тілінде,
Сөйлегенім үшін мақтанам.
Шаттық бар менің үнімде,
Осының өзі бақ маған.

Егемен еркін елімде,
Ұлан-байтақ жерімде.
Теңесіп ұлы тілдермен,
Көркейер тілім тегінде.

Қазақтың тілі ұлы елмен,
Бәсекеде теңелген.
Тіліммен бірге елім де,
Жасайды мәңгі білем мен.

Бақытым,тілім-бағымсың,
Жүректе алау жалынсың.
Құрметтеп жүрем мен сені
Ардағым сенсің арымсың.

Өтемін сүйіп,сені елім,
Көңілі дархан кең елім.
Өзіңде ғана тілімнің,
Болашағы бар деп сенемін.

Әлемде мынау бүгінгі,
Жастар көп бізде білімді.
Үйренем өзге тілді де,
Құрметтеп ана тілімді.

Тілім – менің тірегім,
Сүйенерім,білемін.
Тілім барда өзіңмен,
Жарқын өмір сүремін.

Жаңа ғасыр есігін,
Білімді ұлан ашады.
Тілім ғасыр есімін,
Алтын нұрмен шашады.

---