Туған жер

Туған жер тербетеді желіменен,
Мен қызы бұл қазақтың елім деген.
Жүрегім дүрсілдейді тебіреніп,
Киелі қазақ жері бəрін берген.

Туған жер,
Мен келемін асығамын.
Көмейде жыр өлеңім,асыл əңім.
Ақ қағазға түртпесем де жазылуда,
Апырай қарашы,
Бұл көңілдің тасығанын.

Туған жер,
Сағынамын гүлдеріңді,
Көктемгі ағаш жарған бүрлеріңді.
Мен бейне,
Жыл құсыңмын, қайта оралған.
Сағынған ұядағы күндерімді.

Тəңірім, жетсем деймін арманыма.
Ұйқысыз куə менің таңдарымда,
Армансыз адам болмас, қанатсыз құс,
Мынау жалған дүние заманымда.

Бала арманы санада жаңғырады.
Көмейден жырымменен əн туады.
Сапар шегіп, сол балалық күндеріме,
Қос жанарды тұз татыған жас жуады.

Қайта оралып,бала арманға аяңдадым.
Тағдыр деген тауқымет аямадың.
Қара өлең қауғалап сен тұрғанда,
Ақ шабытым, өзіңсің сая бағым.

Туған жер деп,
Өлгенімше жырлап өтем.
Бір уыс топырағыңды алып кетем,
Сағынған сəттерімде соны иіскеп ,
Болғандай мен өзіңе барып келген.

---