Түнде

Бұл бетте «Түнде» атты Әбділдә Тәжібаев жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

  • 23.03.2019
  • 0
  • 0
  • 1687
Түн. Жазғы түн.
Түнде өмір жоқ
Дейтіндер кім?
Білмеймін.
Көзім жарық, көңілім ашық,
Бәрін көріп, бәрін естіп жатырмын.
Көлдің беті жыбырласа
Желдің жібек лебінен.
Оянып аққу ұйқыдан -
Тереңге бір қарайды,
Дәл өзіндей қалқыған
Айды көреді алдынан...
Көк күмбездің басында
Ол лақтырып ойнағандай алыптар
Атылады жұлдыздар;
Алыстан келген ақ бұлтқа
Аймалатып оңашада омырауын
Асқар да басын иеді,
Жылы, тәтті сүйеді.
Ұйқыдағы ну орманның
Көкірек кере дем алғанын,
Тебіренгенін сеземін.
Бір салқын леп
Сол жақтан кеп
Мені де желпіп өтеді,
Құмарлана, қанғанымша жұтамын..
Түн. Жазғы түн.
Түнде өмір жоқ
Дейтіндер кім?
Білмеймін.

1946


Пікірлер (0)

Пікір қалдырыңыз

Жиі қойылатын сұрақтар

Түнде өлеңінің авторы кім?

Әбділдә Тәжібаев — осы өлеңнің авторы.

Түнде өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Түнде өлеңі не туралы?

Бұл өлеңде Әбділдә Тәжібаев өз ойы мен сезімін көркем түрде жеткізеді.

Түнде өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері