Өлең, жыр, ақындар

Сел жаңбыр

  • 27.04.2019
  • 0
  • 0
  • 4379
Қара жаңбыр қара селден аумай бір:
Төгіп-төгіп,
Төгіп-төгіп жауды-ай бір!
Сияқтанып қозықұйрық алаңы
Қолшатырлар қаптап кетті қаланы.
Жатыр ма бұлт ыстық күннен өш алып,
Жөңкиді арық толқындарға шашалып.
Шыққан адам жүзе ме, әлде кеше ме,
Өзен болып ағып берді көшелер.
Қайық болып, кеме болып баспана,
Көл бетінде қалқып тұрды астана.
Қарар емес бірақ қауіп-қатерге,
Машиналар кетті айналып катерге.
Бітпейтіндей концерттің бір бөлімі,
Бұлттың әлі жер сызады желіні!..
Мынауменен үйге қалай жетемін,
Суға малып тұр теректер етегін.
Қара жаңбыр қара селден аумай бір:
Төгіп-төгіп,
Тегіп-төгіп жауды-ай бір!



Пікірлер (0)

Пікір қалдырыңыз

Темір

  • 0
  • 0

Жиырмасыншы ғасырдың төрінде өсіп,
Жұқартамыз жүйкені керілдесіп.
Темір табыт бұйырып кейбіреуге,
Тербетеді сәбиді темір бесік.

Толық

Табиғат тазалығы

  • 0
  • 4

Таза ауаға кешегі кім шанады?!.
Түтін, тұман аспанды тұмшалады.
Кір шалады қанатын аққулардың,
Соны ойласаң көңілді кір шалады.

Толық

Қанатты қыз болсам…

  • 0
  • 0

Қанатты қыз болсам…
Мынау – менің құндақтаулы жатқаным,
Ана сүтін тұңғыш рет татқаным.
Қадыр Мырза Әли

Толық

Қарап көріңіз

Басқа да жазбалар