Өлең, жыр, ақындар

Желпінетін

  • 27.04.2019
  • 0
  • 0
  • 1627
Желпінетін,
Серпілетін ой бар ма?!
Желікпелер табылады ойнарға
Төрт құбылам тегіс жандай
Мен өзім
Көп күлемін,
Көп күлемін тойларда.
Пенделерді,
Ойлайтын тек құлқынын,
Отырғызып кетер әлі түлкі-күн.
Дәм татам мен сервизінен көңілдің,
Хрусталін сыңғырлатып күлкінің.
Қарсы болар дәмді піскен асқа кім!
Бал шараптың ғұмыры, рас, қас қағым.
Сәтті шыққан қалжыңыма қуанып,
Мәз боламын әзіліне басқаның.
Балдыздарын еркелеткен жездеше,
Бұндай кезде жігіттер де өзгеше.
Коньякты жылқы майы сияқты
Текке ішпеймін,
Тек әдемі сөзге ішем!
Сері көңіл қыздарың мен ұлдарың
Саған өкпе айта ала ма, жылдарым?
Сезеді ғой бірақ ойлы адамдар
Күлкінің де ар жағында мұң барын!



Пікірлер (0)

Пікір қалдырыңыз

Үй қалаушы

  • 0
  • 0

Қалаушының, байқасаң,
Тым биікте тұғыры.
Соған түсер әр қашан
Ең алдымен күн нұры.

Толық

Ән-күй мен коньки

  • 0
  • 0

Коньки теуіп жүргенмін,
Қайдам қайтіп көргенін,
Түбіт шәлі басында
Тәтем келді қасыма.

Толық

Менің пірім

  • 0
  • 0

Ойлануды бізден бұрын бастадың.
Ойынды да елден бұрын тастадың.
Сен алдымен қалқып алдың қаймағын,
Біз білімнің жеп жүргенде қаспағын.

Толық

Қарап көріңіз