Өлең, жыр, ақындар

Сынасаңдар сынаңыздар, сөкпеңдер

  • 29.04.2019
  • 0
  • 0
  • 3330
Сынасаңдар сынаңыздар, сөкпеңдер,
Сезеді ішім — асығыстық көп менде.
Қайтем енді!
Зілдей болып басты мұң.
Барады өтіп, барады өтіп жастығым!
Бармын кейде бөрі болып ұлуға:
Барады өтіп сұлулық та, сұлу да!
Қызығына тоя алмадым жалғанның,
Қашан тоям!
Есептеулі қалған күн!
Адам уақыт тізгінінен ұстар ма?!
Оралды, әне, құстар екеш құстар да.
Аяқталмай жатқанда көп жұмыстар,
Келмедің деп өкпелейді туыстар.
Оқырманның алдындағы жыр бітіп,
Ақша қардай аппақ парақ тұр күтіп.
Көптен бері, көптен бері сарылып,
Күтіп отыр қыр астында кәрілік.
Барады өтіп, барады етіп бәрі де,
Көмектеспес ішірткің де, дәрі де!
Көңіл жүйрік болғанменен, ой баяу!
Қалай ғана асықпайсың, ойбай-ау!
Ақылды ұрпақ жөнсіз сөге көрмеңдер,
Алып ұшқан асығыстық бар менде.
Рас, рас, асығыстық бар менде!



Пікірлер (0)

Пікір қалдырыңыз

Мазақтамалар

  • 0
  • 0

Сарнап тұрып ертесін,
Сұрайтын қант, бөлкесін
Сен бір жаман еркесің!
Әкеңнің де желкесін,

Толық

Калош пен Ботинка

  • 0
  • 0

Көшедегі қою сазды, балшықты
Өте алмайсың секіріп те, аттап та.
Калош кешіп лайсаңды, шалшықты,
Ботинканы тигізбеді батпаққа.

Толық

Бармағымнан бал ағып

  • 0
  • 0

Бармағымнан бал ағып,
Мәз болмаған күнім жоқ.
Бір байлығым — балалық,
Кеше болды,

Толық

Қарап көріңіз