Өлең, жыр, ақындар

Тірлік алдындағы тілек

  • 29.04.2019
  • 0
  • 0
  • 3625
Үйренгенмін кетпеніңе,
Қайлаңа.
Үйренгем жоқ бірақ тірлік, айлаңа.
Не істесең де,
Аяғымды тұсама!
Не істесең де,
Қолымды сен байлама!
Аты-жөні жазылсын деп тақтаңа,
Мені де бір қасиетті тапты ана,
Қиындық па?
Қиындыққа сал мені!
Бірақ, тірлік, намысымды таптама!
Қол көтерсем көтеремін жалқыңа.
Ал топырақ шаша алмаймын жалпыңа.
Залым жауға,
Қалың жауға қарсы қой.
Бірақ, тірлік, қарсы қойма халқыма!
Күннен жомарт болған емес Ай нұрға.
Күн болмадым,
Ай болдым деп қайғырман...
Тірлік, мені қателестір!
Сүріндір!
Бірақ мені ұлы жолдан тайдырма!
Айтқаныңа қол қоятын сезім бе?!
Арғымақтай алып қашты-ау кезінде.
Тірлік, мейлі, барлығын ал,
Барлығын!
Ұятымды қалдыр менің өзімде!
Суар мені,
Болат қылып пісір де!
Бірақ, тірлік, көздің етін ісірме.
Түсіре бер тұғырыңнан,
Төбеден!
Рухымды,
Рухымды түсірме!



Пікірлер (0)

Пікір қалдырыңыз

Өзіміз туралы ода

  • 0
  • 0

Тарғындарға жүкті болып анамыз,
Туған жерде айтылады көп аңыз.
Түмен-түмен тұяқтардан кейін де
Қызғалдаққа толып кеткен даламыз.

Толық

Шаштараз

  • 0
  • 1

Қап-қара боп кезінде
Шаш шықпайтын бастар аз.
Тазалықтың өзіндей
Керек бізге шаштараз.

Толық

Кім біледі не боларын түбінде

  • 0
  • 0

Кім біледі не боларын түбінде.
Айту қиын бәрін өлең тілінде.
Азап пенен қиындықты
Мыңқ етпей

Толық

Қарап көріңіз