Қадыр Мырза Әли

Ел үшін шыбын жанын қиған аға

Бұл бетте «Ел үшін шыбын жанын қиған аға» атты Қадыр Мырза Әли жазған өмір туралы өлең берілген. Өлең мәтіні, текст, өлең жолдары және толық нұсқасын осы жерден оқуға болады.

29.04.2019
0
0
3696

Ел үшін шыбын жанын қиған аға,
Біздерден күй қала ма,
Сый қала ма?!
Тұрамыз кең сарайда,
Ақ отауда,
Бірақ та бақыт деген үй ғана ма?!
Бұл күнде гүл жайнаған бақша мекен.
Жыр қуып мен өмірден шапшаң өтем.
Аламыз уыс-уыс еңбекақы,
Бірақ та бақыт деген ақша ма екен?!
Қажиды өмір жайлы ойдан ана.
Сөйлеуді тірлік жайлы қой данаға.
Тойлаймыз ертелі-кеш дүрілдетіп,
Бірақ та бақыт деген той ғана ма?!
Жақсылық!
Бұл өмірде жыр жоқ ондай!
Соны бір шашар ма еді мырза қолдай!
Әйтеуір өзгеге де,
Өзіме де
Қойды ғой мына көңіл ырза болмай!

Қадыр Мырза Әли өмір бақыт ел үшін шыбын жанын қиған аға Қадыр Мырза Әли өлеңдері

Пікірлер (0)

Пікір қалдырыңыз

Жиі қойылатын сұрақтар