Өлең, жыр, ақындар

Бар дегенге сенбеймін ойдан да асыл

  • 30.04.2019
  • 0
  • 0
  • 2705
Бар дегенге сенбеймін ойдан да асыл.
Өлең үшін табылар қайдан да сыр.
Мына ғасыр, бауырым, байқайсың ба?
Алау ғасыр,
От ғасыр,
Майдан ғасыр!
Нұсқау алып әкеміз Октябрьден,
Намыс үшін сайысып өтті өмірден.
Мен де сондай сарбазбын бұл ғасырда
Шинелінің етегін от кемірген.
Тұсауымды қылышпен кесіп пе еді?!
Біз жайлы елім жаман сөз есітпеді.
Шырылдаған шындықты от ішінен
Алып шығам сәбидей бесіктегі.
Емеспіз біз момақан жасық халық,
Ерлігіңе алғанбыз машықтанып.
Өлуге де дайынбыз өрт ішінде
Жанған үйдің төбесі басып қалып.
Бабамыз да ер еді,
Өжет еді.
Ұрпағының дұшпанға сөзі өтеді.
Шындық үшін қып-қызыл отқа түсіп,
Шындық үшін күйгенге не жетеді?!



Пікірлер (0)

Пікір қалдырыңыз

Қажығалиға

  • 0
  • 0

Өзің айтшы, сыншым менің қырағы,
Суға тойған қашан шөлдің мұрабы?!
Он қызы бар ата-анаға, білесің,
Қай кезде де бір ұл жетпей тұрады.

Толық

Өшіргіш пен Қарындаш

  • 0
  • 1

— Кемшілікті сүймеймін,
Ешкімге бас имеймін!
Бұрысыңды өшірем,
Дұрысыңа тимеймін!—

Толық

Қылжақбас

  • 0
  • 0

Құрдас бізді ертіп келіп үйіне,
Былай деді бибісіне, биіне:
— Бізді қойып, ойла өзіңнің жайыңды,
Бұлар ішпей жүр дейсің бе шайыңды.

Толық

Қарап көріңіз