Өлең, жыр, ақындар

Басыңды сақта

  • 26.09.2021
  • 0
  • 0
  • 955
Баянсыз мынау заманда,
Базарға барып бақ сынар.
Саудасыз нәрсе адамға
Еш жерде, бауырым, жоқ шығар.
Іздесең дәрі дауаға,
Саудаға кірмей жоқ шара.
Бір жұтым таза ауа да
Сатылар ертең ақшаға.
Алмасын құдай берерін,
Жүрейік аман­сау ғана.
Тұрса да тасып өнерің,
Түседі басың саудаға.
Сен үшін жанын қиятын
Азайып туыс, досың да,
Кіршіксіз ар мен ұятың
Саудаға түссе шошынба!
Сауданы кім бар тауысқан,
Дүниенің түбін көз көрмес.
Заманнан заман ауысқан,
Өмірдің заңы өзгермес.
Соңында шулы ғасырдың
Қаралы түтін, көк тұман,
Құны жоқ алтын басыңның,
Арзансың арық тоқтыдан.
Жүдеді тозып ауылым,
Жыртылған тондай жағасы.
Басыңды сақта, бауырым,
Қымбаттап қалар бағасы!



Пікірлер (0)

Пікір қалдырыңыз

Боздағым-ай!

  • 0
  • 0

Дүние, жұмбақ едің, шіркін, неткен,
Аққулар орала ма былтыр кеткен?
Аққулар оралса да былтыр кеткен,
Боздақтар оралмайды­ау қыршын кеткен.

Толық

Сілкініс

  • 0
  • 0

Жер сілкінер
Көкірегін от кернеп,
Жел сілкінер
Тауды тесіп өтсем деп.

Толық

Жаңбыр әні

  • 0
  • 0

Сыйлар маған бақытын тағдыр әлі,
Көк аспаным жай атып, жаңғырады.
Жаңғырады –
Төгілер жаңбыр әні,

Толық

Қарап көріңіз

Басқа да жазбалар