жастық шақ, қарттық, сотқарлық туралы мақал-мәтел

Жақсы адам қартайса, Жазып қойған хаттай, Жаман адам қартайса, Бықсып жанған оттай.

жаман, жақсы

Адамды екі нәрсе қартайтпайды: Бірі — жақсы мінез, Екіншісі — жақсы сөз.

адам, мінез

Есік алдында төбе болса, Ерттеп қойған атпен тең. Ауылыңда қария болса, Жазып қойған хатпен тең.

қарттық, қария

Үлкен пышақ — Ұялғаннан өтеді.

қарттық, кәрілік

Жасында байқары жоқтың Жасы жеткенде айтары жоқ.

жас, кәрі

Елу шылбырдан алды, Алпыс тізгіннен алды, Жетпіс өре салды, Сексен – тұсау салды, Тоқсан – толқып қалды.

жас, қарттық

Кәрі –қалтаң, Жас – жалтаң, Жас келсе – іске, Кәрі келсе – асқа.

кәрі, жас

Жасыңда қылжың болсаң, Қартайғанда мылжың боларсың.

кәрілік, қарттық