Нарша Булгакбаев: ислам, тазалық, ақыл, жүрек, пайда туралы айтқаны

Адам болу — бір мәселе. Адам боп қалу — қиын мәселе. Ізгілік, адалдық, әділеттілік, шыншылдық — адамгершіліктің төрт құбыласы. Күшті адам – өзгелерді бағындыра алатын емес, өз-өзін ақиқатқа бағындыра алатын адам. Ал ақиқат дегеніміз: Аллаһ сөзі — Құран, оның шынайы мән-мағынасы, ғылыми дәлелі жоқ жалған сөздер емес. Ақиқат үшін күрес — дінді ғылыммен, ғылымды дінмен дәлелдеу жолындағы мәңгілік зерттеу. Өмір — сынақ жүргізетін зертхана.

— Нарша Булгакбаев

Адам, мәселе

Суытпа босқа түсіңді Қайрама онша тісіңді. Сырт тазасы не керек, Тазарт әуел ішіңді.

— Үмбетей Жырау

тазалық, нақыл

Адамзаттың айналып келіп ақырында аяқ тірер ақиқаты Ислам.

— Лев Толстой

ақиқат, ислам

Жалпы эмоциялар белгілі бір оқиға мен жағдайға байланысты емес, оны қалай қабылдайтынымыздан туындайды. Оқиға немесе жағдай — бейтарап. Ол өздігінен ешқандай мағына да, ешқандай сезім де тудырмайды. Мағына мен эмоция — біздің ішкі интерпретациямыздың жемісі. Бір жағдай — бір адамды күйзелтсе, екінші адамды жігерлендіруі мүмкін. Бұл айырмашылық — шындықта емес, қабылдауда. Біздің білетініміздей, эмоциялар — адамның ойлауын, әрекетін, әдетін тіпті тағдырын басқаруы мүмкін. Эмоцияны дұрыс түсінбеген жан — өзіне де, өзгеге де зиян келтіруі мүмкін. Кейде өкініш — өмір бойғы ренішке, кейде қорқыныш — үлкен мүмкіндік алдындағы тосқауылға, ал кейде — сол сәттегі эмоция шешуші таңдауымызды бұрмалап жібереді. Сондықтан әр эмоцияны бақылау — өзіңді тану мен жетілдірудің кілті. Оқиға емес — сенің оған деген көзқарасың маңызды. Әлем емес — сенің оған деген сенімің шешуші. Сыртқы жағдай емес — ішкі күйің өміріңнің бағытын анықтаушы. Көңілдің тазалығы — бет-бейненің нұрлануы. Жүректің тыныштығы — ақиқатпен үйлесімділігі.

— Нарша Булгакбаев

эмоция, оқиға

Пайғамбарымыз Мұхаммедті, исламды жұрты ұрып-соқты, тілімен балағаттады. Ол бәріне де шыдады, жеңді. Шыдам мен сабыр — ең күшті қару.

— Ахмет Байтұрсынұлы

Шыдам, сабыр

Бойыңды қалай таза ұстасаң, Жүректі солай таза ұстау керек.

— Али Динабеков

нақыл сөз, дана сөз

Көңіл тазалығы мен адалдық — нағыз мәдениетті жанға тән қасиет.

— Ханбибі Есенқарақызы

Көңіл, тазалық

Ата - ана баласының санасын исламмен нұрландырып, жаратылыстанумен көзін аштырса, бұдан артық тәрбие жоқ. Сонда ғана бағыттаған тәрбиесі баласына пайда береді.

— Нарша Булгакбаев

Ата-ана, Ислам