адам, ой туралы мақал-мәтел

Жылқы атасы — Қамбар ата, Сиыр атасы — Зеңгі баба, Түйе атасы — Ойсыл қара, Қой атасы — Шопан ата, Ешкінің иесі — Сексек ата.

жан-жануар, төрт түлік мал

Ағаш көркі — жапырақ, Адам көркі — шүберек.

адам

Жаман атқа жал бітсе, Жанына торсық байлатпас. Жаман адамға мал бітсе, Жанына қоңсы қондырмас.

жан-жануар, төрт түлік мал

Отансыз адам - ормансыз бұлбұл.

отан, адам

Әдептілік ар-ұят - Адамдықтың белгісі, Тұрпайы мінез, тағы, жат - Надандықтың белгісі.

әдептілік, ар

Ағаш тамырымен мықты, Адам дос-жарымен мықты.

адам, дос

Бақыт — қолға қонған құс. Байлық — қолға ұстаған мұз. Құс ұшып кетеді Мұз еріп кетеді, Дүниенің қызығы — сіз бен біз.

бақыт, байлық

Құтты қонақ келсе қой егіз табар, Құтсыз қонақ келсе қойға қасқыр шабар.

құт, қонақ