қарттық, қартаю туралы мақал-мәтел

Жақсы адам қартайса, Жазып қойған хаттай, Жаман адам қартайса, Бықсып жанған оттай.

жаман, жақсы

Ат қартайса Жасқаншақ болады Ер қартайса, Мақтаншақ болады.

жан-жануар, төрт түлік мал

Адамды екі нәрсе қартайтпайды: Бірі — жақсы мінез, Екіншісі — жақсы сөз.

адам, мінез

Есік алдында төбе болса, Ерттеп қойған атпен тең. Ауылыңда қария болса, Жазып қойған хатпен тең.

қарттық, қария

Үлкен пышақ — Ұялғаннан өтеді.

қарттық, кәрілік

Жасында байқары жоқтың Жасы жеткенде айтары жоқ.

жас, кәрі

Елу шылбырдан алды, Алпыс тізгіннен алды, Жетпіс өре салды, Сексен – тұсау салды, Тоқсан – толқып қалды.

жас, қарттық

Ер қартайса, қазаншы болады, Бүркіт қартайса, тышқаншы болады.

ер, қартаю