Шал Құлекеұлы: кәрілік, адам жасы туралы айтқаны

Ханнан тақыт таярда - қараша жұртпен хас болар, Байдан бақыт таярда — дәулетіне мас болар. Кәріден абырой таярда — аңдығаны ас болар, Жетесіз туған жігіттер — жиырма бесте жас болар.

— Шал Құлекеұлы

адам, өмір

Абай үйінде отырып, өзінің досы Бегештен: - Дауасыз не? Арзан не, қымбат не? - деп сұрапты. Бегеш оған: - Дауасыз - кәрілік; арзан - өтірік; қымбат - шындық,- деп жауап береді.

— Абай Құнанбайұлы

Абай, қымбат

Жас та өтер, бірте-бірте кәрі де өтер, Баянсыз бұл жалғанның бәрі бекер. Жаһанда мәңгі жасар жан жоқ, сірә, Кетеміз, кетті, келер, тағы кетер...

— Омар Хайям

өмір, кәрілік

Төрт нәрседе үміт бар: жас - өсемін деп үмітті, жалғыз — көбейемін деп үмітті, жарлы - байимын деп үмітті, ауру — жазыламын деп үмітті. Көктемі мен жазы кетіп, жапырағы қуарған ағаштай ұрты солып, жағы суалған кәрілікте ғана үміт жоқ.

— Жиренше шешен

үміт, жас

Он бес жас — құйын қуған желмен тең, жиырма жас — дауыл ұрған көлмен тең, отыз бес — ағып жатқан селмен тең, қырық бес — аю аспас белмен тең, жетпіс бесте - өр көңілің жермен тең. Сексенде — селкілдеген шал боларсың, тоқсанда — сексенге де зар боларсың, жүзге келсең — дүние қызығынан күдеріңді үз: өлмей тірі жүргенге мәз боларсың.

— Жиренше шешен

жас, жастық шақ

Елу - ердің жасы, жетпіс - оттың басы, сексен - шоқтың қасы.

— Шал Құлекеұлы

жас, өмір

Әз Жәнібек хан ноғайлы жұртымен бірге, қалмақ елін де қоса билеп тұрады. Ол ел тағдырын он екі бимен ақылдасып шешіп отырады екен. Бидің үлкені баяғы Жиренше. Бұл ердің білгірлігін сынағыш хан бір күні: - Әу, Жиренше! Адам қалай қадірлі болады? - дейді. - Қадірлі болғысы келген адамға үш жолдас керек, - дейді Жиренше табан астында. - Иә, қандай жолдас? - Бақыт, дәулет, ырыс. - Ал басқа пәле қайдан? - Басқа пәле тілден. - Кәріліктің белгісі не деп білесің? - дейді хан. - Қаратауға қар жауар. - Қарсы алдынан жел тұрар, - дейді Жиренше. - Қыз алған қалай? - Қыз: "өзің білесің" дер. - Жеңге алған қалай? - Жеңге: "өзім білем" дер. - Жесір алған қалай? - "Балам білер" дер. Бас биінің білгірлігіне хан осылайша тәнті болады екен.

— Жиренше шешен

пәле, кәрілік

Қызықшыл дырду өмір — күні бұрын жеткен кәрілік.

— Иоганн Вольфганг фон Гёте

өмір, кәрілік