жас, жарлы, кедей, бай, байлық туралы мақал-мәтел

Екі бай құда болса - арасында жорға жүреді, Екі жарлы құда болса - арасында дорба жүреді, Бай мен жарлы құда болса - айырылыса алмай зорға жүреді.

бай, кедей

Көп жасағаннан сұрама, Көпті көргеннен сұра.

жас, көрген

Асыл тастан, ақыл - жастан.

асыл, тас

Жаманға айтқан ақылың — Далаға атқан оқпен тең. Талабы жоқ жас ұлың — Жалыны жоқ шоқпен тең.

жаман, ақыл

Қарт келсе асқа, Жас келсе іске.

қарт, жас

Ақыл жастан шығар, Жүйрік аттан шығар. Ақыл қарттан шығар, Асыл тастан шығар.

ақыл, жас

Ауруын жасырған өледі. Ағайынын жасырған бүлінеді.

ауру, ағайын

Жарлының байлығы — Дәнінің саулығы.

жарлы, денсаулық