Мақал-мәтелдер

Жоргаң қатты болса,
Төске сал,
Ісің ақ болса,
Көпке сал.

Ілмектер: ел, халық

---

---

Көпті жамандаған —
Көмусіз қалар.

Ілмектер: ел

---

---

Көпті сөккен — көгермес.

Ілмектер: ел

---

---

Көпке тентек —
Құдайға шет.

Ілмектер: ел

---

---

Көп қорқытады,
Терең батырады.

Ілмектер: ел

---

---

Көп алғысы көгертер.

Ілмектер: алғыс, ел

---

---

Көппен көрген — ұлы той.

Ілмектер: той, ел

---

---

Өзбек — өрістес ел,
Қырғыз — қоныстас ел.
Қарақалпақ — қарындас ел,
Түрікпен — тамырлас ел.

Ілмектер: ел, өзбек, қырғыз, қарақалпақ, түрікпен

---

---

Жер бауыры суық,
Ел бауыры жылы.

Ілмектер: ел, жер

---

---

Қартайған ата марқаяр —
Қанатын жазып қызы өссе,
Қартайған ата марқаяр —
Халыққа жағып ұлы өссе.

Ілмектер: халық, қарт

---

---

Өсер елдің баласы
Қозысын күтіп қой қылар,
Өспес елдің баласы
Қозысын сойып, той қылар.

Ілмектер: ел, бала

---

---

Халықты дана қосады,
Қатын мен ерді бала қосады.

Ілмектер: халық, бала

---

---

Бетеге, жусан — бел көркі,
Білімді ұл, қыз — ел көркі.

Ілмектер: білім, ұл, қыз

---

---

Жұртқа қолыңды жайғанша,
Жұрттан жұрқа терген артық.

Ілмектер: жұрт

---

---

Сынасуға жараған,
Сыйласуға да жарайды.

Ілмектер: сын, сый

---

---

Тұңғиықты қара су,
Түйе бойлап шыға алмас.
Кім атадан кем туса,
Оның сөзін пұл алмас.

Ілмектер: сөз, ата

---

---

Қала — халқының салтанаты,
Бала — ата-ананың қолқанаты.

Ілмектер: халық, бала, ата-ана

---

---

Ынтымақ — елдікке жеткізер,
Елдік ерлікке жеткізер.

Ілмектер: ынтымақ, ел, ер

---

---

Ел-жұртыңның қадірін
Іс түскенде білерсің
Сары тонның қадірін
Қыс түскенде білерсің.

Ілмектер: ел-жұрт, ел, жұрт

---

---

Құлақ баланікі,
Бас ағанікі,
Жақ қатындікі,
Жанбас батырдікі.

Ілмектер: дене мүшелері

---

---