Мақал-мәтелдер

Халық келіп, кеткенді сыйламайды,
Қиылып қызмет еткенді сыйлайды.

Ілмектер: халық

---

---

Көл жайлаған үйрек-қаз
Шөл қадірін білмейді.
Шөлде өскен бұлдырық
Көл қадірін білмейді.
Тауда туып, таста өскен,
Ағайыннан басқа өскен
Ел қадірін білмейді.

Ілмектер: ағайын, ел

---

---

Өз елінде барқадар таппағанның,
Өзге елде жүйрігі шаппайды.

Ілмектер: ел

---

---

Жұрт көргендей қалаң болсын,
Жұт білгендей балаң болсын.

Ілмектер: жұрт

---

---

Кер кеткеннің сақалы
Кеңірдегінен шығады.

Ілмектер: ел, халық

---

---

Ел артындағы шаң жұтады,
Ел алдындағы май жұтады.

Ілмектер: ел

---

---

Аюды жеңген — жарты ер,
Ашуды жеңген — бүтін ер.

Ілмектер: ер, ашу

---

---

Қырқында қыр аспаған,
Елуінде ел аспас.

Ілмектер: ел

---

---

Елін елсінбеген,
Жерін жерсінбеген
Жат жұрттың аяғын жалар,
Саяғын бағар.

Ілмектер: жер, ел

---

---

Арсыздық — ашыққаннан шығады,
Аңсыздық — асыққаннан шығады,
Пәмсіздік масыққаннан шығады.

Ілмектер: ар

---

---

Жібек мінезді жігіт
Жұртқа жағады.
Жылан мінезді жігіт
Жұртта қалады.

Ілмектер: жұрт, жігіт

---

---

Ынтымақ елді — оздырар.
Күндестік елді — тоздырар.

Ілмектер: ынтымақ, ел

---

---

Баласыз болса — ел сарқылады,
Бұлақсыз болса — көл сарқылады.

Ілмектер: бала, ел

---

---

Құт қонған елде
Қыдыр қыдырып жүреді.

Ілмектер: ел, құт

---

---

Болмас елдің баласы
Бірін бірі табалар.
Болар елдің баласы
Бірін бірі ағалар.

Ілмектер: ел, бала

---

---

Бидай — қырда,
Күріш — Сырда.
Жемістердің ғажабы —
Жетісуда.

Ілмектер: жеміс, жер

---

---

Халқы бірдің — салты бір.
Халық қалпына келмей,
Салтына келмейді.

Ілмектер: халық, салт

---

---

Халықтың құшағы кең.

Ілмектер: халық

---

---

Еті тірі жігіт:
Елінің намысын қорғайды,
Тоғайының қамысын қорғайды.

Ілмектер: жігіт, ел

---

---

Ежелгі досым — орысым,
Ертеден бірге қонысың.

Ілмектер: орыс

---

---