Мақал-мәтелдер

Істің көзін таппағанның
Күші зая,
Еңбегі ештің
Істеген ісі зая.

Ілмектер: еңбек, іс, өнер

---

---

Бала соққан кездіктің
Басы жарық.

Ілмектер: өнер

---

---

Озар елдің қызы мінезді,
Ұлы өнерлі келеді.

Ілмектер: қыз, ұл, өнер

---

---

Жібекті түте білмеген жүн етер,
Қызды күте білмеген күң етер.

Ілмектер: қыз, өнер

---

---

Бала — қымбат,
Немере — ыстық.

Ілмектер: бала, немере

---

---

Ұстамен жақын болсаң
Ұстарасын аларсың.
Мүттайыммен жақын болсаң
Пәлесіне қаларсың.

Ілмектер: пәле, ұста, өнер

---

---

Мылтығыңның күмісін айтпа,
Тиісін айт.

Ілмектер: өнер

---

---

Өнерлінің өрісі ұзақ.

Ілмектер: өнер

---

---

Қолы жатықтың
Ішкені қатық болар.

Ілмектер: өнер

---

---

Ұзынсыз қысқа болмас,
Үлгісіз ұста болмас.

Ілмектер: өнер

---

---

Өнерді үйрен де жирен.

Ілмектер: өнер

---

---

Жігітке жетпіс өнер де аз.

Ілмектер: жігіт, өнер

---

---

Қол өнері — кілемде,
Сөз өнері — өлеңде.

Ілмектер: қол өнер, сөз, өнер

---

---

Өнерлі өрге жүзеді.

Ілмектер: өнерлі, өнер, өр

---

---

Отаулап берген қыздың
Отын, суы аз болмас.

Ілмектер: қыз

---

---

Астың дәмін тұз келтірер,
Ауылдың сәнін қыз келтірер.

Ілмектер: ас, дәм, қыз, тұз

---

---

Қырын алған жігітті
Қыз қасынан ит қабар.

Ілмектер: жігіт, қыз

---

---

Сұлу гүлдің сарғайып
Солар кезі болады.
Сұлу қыздың әр тайып,
Оңар кезі болады.

Ілмектер: сұлу, қыз

---

---

Қыздың аңқауынан сақта,
Ұлдың жалқауынан сақта.

Ілмектер: қыз, ұл, жалқау

---

---

Сақау қыз
Май сұраймын деп,
Шай сұрайды.

Ілмектер: сақау, қыз

---

---