Мақал-мәтелдер

Бір бала, атаға жете туады,
Бір бала, атадан өте туады,
Бір бала, кейін қарай кете туады.

Ілмектер: бала, ата

---

---

Бала өз несібесін ала туады.

Ілмектер: бала, несібе

---

---

Қарға баласын «аппағым» дейді,
Кірпі баласын «жұмсағым» дейді.

Ілмектер: бала

---

---

Баласы бардың өңі ойнар,
Балтасы бардың қолы ойнар.

Ілмектер: бала

---

---

Үш баланы өсіргенше,
Үш шаһар апат болады.

Ілмектер: бала, шаһар, апат

---

---

Өз балаң,
Өзекке тепсең де кетпейді;
Кісі баласы,
Кісендесең де тұрмайды.

Ілмектер: бала

---

---

Жылайын деген бала,
Әкесінің сақалымен ойнайды.

Ілмектер: бала, әке

---

---

Келіннің сөзі кетпендей,
Баланың сөзі батпандай.

Ілмектер: келін, бала, сөз

---

---

Қыз «қуыршақ» дейді,
Бала «құлыншақ» дейді.

Ілмектер: қыз, бала

---

---

Жақсы бала қонаққа үйір,
Жақсы тай атқа үйір.

Ілмектер: жақсы, бала, қонақ

---

---

Боранды күні бала құтырар,
Желді күні ит құтырар.

Ілмектер: боран, ит, бала

---

---

Балалы үйдің ұрлығы жатпас.

Ілмектер: ұрлық, бала, үй

---

---

Атадан жақсы ұл туса,
Елінің қамын жейді;
Атадан жаман ұл туса,
Елінің малын жейді.

Ілмектер: ата, ұл, жақсы, жаман, ел, мал

---

---

Мал балада қалды,
Бай далада қалды.

Ілмектер: мал, бала, дала, бай

---

---

Қазанға тиме, қарасы жұғар,
Балаға тиме, бәлесі жұғар.

Ілмектер: қазан, бала, бәле

---

---

Жаманға айтқан ақылың —
Далаға атқан оқпен тең.
Талабы жоқ жас ұлың —
Жалыны жоқ шоқпен тең.

Ілмектер: жаман, ақыл, талап, ұл, жас

---

---

Ашаршылықты көп көрген
Өзі тоймай «мә» демес,
Жетімдікті көп көрген,
Үш шақыртпай «ә» демес.

Ілмектер: ашаршылық, жетім

---

---

Болатын елдің баласы
Бірін бірі:
«Батыр!»дер.
Болмайтын елдің баласы
Бірін бірі:
«Қатын!» дер.

Ілмектер: бала, ел, батыр, қатын

---

---

Балалы үйрек көлден кетпес,
Балалы жесір елден кетпес.

Ілмектер: бала, жесір, ел

---

---

Алты жасар бала атқа мінсе,
Алпыстағы шал
Алдынан шығып атын ұстар.

Ілмектер: бала, ат, шал

---

---