Мақал-мәтелдер

Ана сүтін ақтамағанды
Ешкім мақтамайды.

Ілмектер: ана, сүт

---

---

Анаңа ауыр сөз айтпа!
Атыңа ауыр жүк артпа!

Ілмектер: ана, төрт түлік мал, сөз

---

---

Ананың ойы ұяда,
Баланың ойы қияда.

Ілмектер: ана, бала, ой

---

---

Ананың сүйген жері:
Отқа күймейді,
Оқ та тимейді.

Ілмектер: ана

---

---

Көне киім жаңаны сақтайды,
Кәрі кемпір баланы сақтайды.

Ілмектер: киім, кәрі, кемпір, бала

---

---

Бала тентек болатыны — үйінен,
Ердің тентек болатыны — биінен.

Ілмектер: бала, ер, тентек, үй

---

---

Анадан артық дос бар ма?
Ашудан жаман қас бар ма?
Жиырма бестен жақсы жас бар ма?
Қымыздан тәтті ас бар ма?

Ілмектер: ана, ашу, дос, қас, ас, жас

---

---

Ана алақанының аясы —
Ақ шынардың саясы.

Ілмектер: ана, алақан

---

---

Ақ жаулығы ананың —
Ақ көрпесі баланың.

Ілмектер: ана, бала

---

---

Мейрімі мол ананың —
Жүрегі жылы, қолы кең.
Кең пейілді атаның
Жүзі жылы, жолы кең.

Ілмектер: ата-ана, ана, мейірім

---

---

Өз кемеріңнен шыққан баланы
Бал сүтіңмен бағарсың.
Бал сүтіңмен бақпасаң,
Кәйтіп көңілін табарсың?!

Ілмектер: бала, бал

---

---

Бесіктегі баланың
Күлгенін көрген бір мұрат.
Алдынан түсіп ананың
Жүргенін көрген бір мұрат.

Ілмектер: бала, бесік, ана

---

---

Ананың алды — ақ жайлау.

Ілмектер: ана, бала

---

---

Мылқаудың тіліне анасы түсінеді.

Ілмектер: ана, бала

---

---

Бала —
Ананың бауыр еті, көз нұры.

Ілмектер: бала, ана

---

---

Малды баққан өсірер,
Баланы тапқан өсірер.

Ілмектер: мал, бала

---

---

Ата-ананың қадірін
Балалы болғанда білерсің;
Ағайынның қадірін
Жалалы болғанда білерсің.

Ілмектер: ата-ана, бала, ағайын, туыс

---

---

Торғай
Жаңбыр жауса,
Баласын қорғайды;
Бұршақ жауса,
Басын қорғайды.

Ілмектер: құс, бала, жаңбыр

---

---

Баланың өзі болғандай,
Келіннің өзі келгендей.

Ілмектер: ата-ана, бала, келін

---

---

Ана жақсылығын,
Ауырсаң білерсің.
Қайын жақсылығын,
Қыдырсаң білерсің.

Ілмектер: ата-ана, ана, ауру

---

---