Мақал-мәтелдер

Қазанға тиме, қарасы жұғар,
Балаға тиме, бәлесі жұғар.

Ілмектер: қазан, бала, бәле

---

---

Жаманға айтқан ақылың —
Далаға атқан оқпен тең.
Талабы жоқ жас ұлың —
Жалыны жоқ шоқпен тең.

Ілмектер: жаман, ақыл, талап, ұл, жас

---

---

Ашаршылықты көп көрген
Өзі тоймай «мә» демес,
Жетімдікті көп көрген,
Үш шақыртпай «ә» демес.

Ілмектер: ашаршылық, жетім

---

---

Болатын елдің баласы
Бірін бірі:
«Батыр!»дер.
Болмайтын елдің баласы
Бірін бірі:
«Қатын!» дер.

Ілмектер: бала, ел, батыр, қатын

---

---

Балалы үйрек көлден кетпес,
Балалы жесір елден кетпес.

Ілмектер: бала, жесір, ел

---

---

Алты жасар бала атқа мінсе,
Алпыстағы шал
Алдынан шығып атын ұстар.

Ілмектер: бала, ат, шал

---

---

Жылайын деген баланың
Үш күн бұрын көзі қышиды.

Ілмектер: жылау, бала, көз

---

---

Ат болатын құлынның,
Бауыры жазық келер,
Адам болатын баланың,
Маңдайы жазық келер.

Ілмектер: төрт түлік мал, адам, бала

---

---

Итпен ойнасаң — үрерсің,
Баламен ойнасаң — күлерсің.

Ілмектер: ит, ойын, бала, күлкі

---

---

Ұл туғанға —
Күн туған.

Ілмектер: ұл, күн

---

---

Бала күлкіге тоймас,
Болбыр ұйқыға тоймас.

Ілмектер: бала, ұйқы, күлкі

---

---

Балалы үй — базар,
Баласыз үй — қу мазар.

Ілмектер: бала, үй, базар, мазар

---

---

Тісі шыққан балаға,
Шайнап берген ас болмас.

Ілмектер: тіс, ас, бала

---

---

Жыламаған балаға,
Емшек бермейді.

Ілмектер: жылау, бала

---

---

Жас бала құстың көлеңкесіне де тоңады.

Ілмектер: жас, бала, құс

---

---

Бала анаға аян,
Атаға күмән.

Ілмектер: бала, ана, ата

---

---

Әкеден — ақыл,
Анадан — мейір.

Ілмектер: әке, ақыл, ана, мейір

---

---

Атаңнан мал қалғанша.
Тал қалсын.

Ілмектер: ата, мал, тал

---

---

Баласынан айрылған әке
Таяғына сүйенер.

Ілмектер: бала, әке, таяқ

---

---

Әке тұрып бала сөйлесе,
Ер жеткені.
Шеше тұрып қыз сөйлесе,
Бой жеткені.

Ілмектер: әке, ер, шеше, ана, қыз, сөйлеу

---

---