Алтынгүлге
Көп сәлем көрмесем де, Алтынгүлге,
Өзіндей кім қызықпас гәуһар, дүрге.
Орнығып ойыма ышқым алғаннан соң,
Сөйлесем түспей тұрмайды атың тілге.
Ерім төренің қызы Мәдинаға
Көңлімде көркің көріп, қалды бір дақ,
Дауасын дақ ұлғайтар, бермесе Хақ!
Өзіңнен емін есітіп болған дерттің,
Шайқаттың шаһналық шырағын жақ.
Бибіш қызға
Көреміз көктің көркін толған соң ай,
Туады тоқтап кейін күн-күннен жай.
Кеш туып кемге өзін санағанмен,
Жарқырап жаңа болар жамалға бай.
Інісі Нұрлыбек Қошаманұлына
Жаттап ал бұл сөзімді жаным, інім,
Есерлік ете берме, ізден ілім.
Боларсың байтаққа бас, орнап ықпал,
Көңліңе ілім Алла ексе гүлін.
Тұрекеңнің қонақ кәдесі
"Айт, - десең, - қонақкәде", қорлағаның,
Айтуға таппай өлең қорғаладым.
Жиналып жігіт-желең, қыз-келіншек,
Тартуға көкпарыдай құрмаладың.
Жер жаһанға жайнаған нұр
Жер жаһанға жайнаған нұр,
Күн сияқты Сталин!
Көркейтіп көңлін сайратты,
Біздердей бұлбұл құстарын.
Қауынбайға
Баласы Қаумен ағам Қауынбайсың,
Иісті, пісіп тұрған қауындайсың.
Тұрғанда бақ басыңда, халық қолында,
Бұлт шөгер Алматының тауындайсың.
Жиенбай жыраудың баласы Рүстембекке
Жерінді сұра шырақтанымаған,
Қиял сөз қиын емес әлі маған.
Атақты Алла берген байларға ұят,
Қоңсысы қасындағы жарымаған.
Он жылдық Октябрьдің еттік тойын
Он жылдық Октябрьдің еттік тойын,
Екпіні еріткендей тас пен шойын.
Құттықтап қатын, еркек қалмай келіп,
Тамаша таң қаларлық болды ойын.
Бітік еткей егінді
Бітік еткей егінді
Әлемге бірдей нұр шашып,
Көктем шықты, күн күлді.
Дүние балқып, нұрланып,
Ленин ескерткішіне
Қараңдар Лениннің тұрысына,
Әр істің қолын сілтеп "дұрысына".
Тұрған соң туралықтың туын тұтып,
Дүниенің кетті аты төрт бұрышына.
Сарымсақ ұстаға
Соғып бер Сарымсақжан маған пышақ,
Салалы ет, соға қойсаң, етпе ұсақ.
Орасан өте сұлу болсын форма,
Мойнағы жез, ақ болсын яки масақ.
Молла Садық ақынға айтқаны
Аман ба, ақын Саке, жан, малыңыз,
Көбісін жас өмірдің жалмадыңыз.
Мән-жайды уәжі дұға айлап амал,
Ізінен ілім-ікімат қалмадыңыз.
Нұрпейіске
Нұрпейіс, беріп жібер, болса балтаң,
Беріп ем өзімсініп, сеніп салтаң.
"Алғыстан ақшаң тәуір!" - дейтін болсаң,
Толық пұл бермесем де, толар қалтаң!
Байдашов Асқарға айтқаны
Сәлем берсең әрқашан,
Саламат бол, шырағым.
Болғаннан соң бастасым,
Байдашты талай сұрадым.
Ауыл совет қызға айтқаны
Мархабат, сөзің шырын, жүзің жарқын,
Шықпайтын шын асыл ең халыққа қалпың.
Жасыңнан жақсылармен жолдас болып,
Біліммен билеп тұрсың жұрттың жарпын.
Келеді деп қай кезде?
Келеді, - деп, қай кезде?
Отырмын күтіп жолыңды.
Екі, үш рет оқып көр,
Танысаң жазған қолымды.
Алматов Көшенге
Ықпалың тасқан судай тұр еді өрлеп,
Сыртыңнан жүруші едім мен де серлеп.
Хабарың қай жағынан шықса дағы,
Іздеуге ойым бар еді шаршап, терлеп.
Пікірлер
-
Жаңа базар ауылы қ қазығұрт ауданы әбдірахман қасы
Өте жоғары баға беремін -
бибиарыстан
менин ойымша жаксы -
каус сила калгандары терпиа
уау кушты
- Асқар Сүлейменов
- Асқар Сүлейменов
- Асқар Сүлейменов
- Асқар Сүлейменов
Барлық авторлар
Ілмек бойынша іздеу
Мақал-мәтелдер
Қазақша есімдердің тізімі