Жеңеше-ай (1-нұсқа)
Айдап салдым жылқымды тепсең жерге,
Сіздей адам болар ма ексем жерге.
Намаздыгер намазшам арасында,
Асыққаннан тимейді өкшем жерге.
Жеңеше-ай (2-нұсқа)
Айдап салдым жылқымды тепсең жерге, жеңеше-ай,
Сіздей адам табылмас ексем жерге, жеңеше-ай.
Күн батар мен ымырттың арасында, жеңеше-ай,
Асыққаннан тимейді өкшем жерге, жеңеше-ай.
Жеңеше-ай (3-нұсқа)
Арғы жағы Еділдің, бергі жағы-ай,
Жағасында сарғайған жапырағы,
Үкілім-ай, жеңеше-ай,
Сағындым, сәулем, өзгеше-ай!
Жетіарал (1 нұсқа)
Жетіаралдай жер қайда қыз балаға,
Дария бешпент жарасар бозбалаға.
Жетіарал жерім-ай,
Сағындым елім-ай.
Жетіарал (2 нұсқа)
Жеті аралдай жер бар ма, елдің көркі,
Құмырсқадай қайнаған қоян, түлкі.
Жетіарал, жердің көркі-ай.
Дұшпан шауып жерімді алғаннан соң,
Жетіарал, елім-ай, сағындым жерімді-ай
Жетіаралға салмасам, ән болмайды,
Дүрия шапан кимесем сән болмайды.
Жетіарал, елім-ай,
Сағындым жерімді-ай.
Жетімнің әні
Жетімнің күйі құрсын жастай қалған,
Әкесін шешесімен, оу, жалған, құдай алған.
Күтетін баласындай жақын қайда?
Деген сөз осы емес пе, оу, дүние жалған, дүние жалған.
Жиырма бес (1 нұсқа)
Жүйрікте болмайды көрік сыналмаған,
Бақ тайса, ерге дәулет құралмаған.
Меңзеген асқар тауға есіл көңіл,
Дүнияда еш нәрседен тына алмаған.
Жиырма бес (3 нұсқа)
Жиырма бес, қош аман бол, қайтып келмес,
Жастықты ойлағанмен қолға бермес.
Қасыңда қатын-балаң құл күзетіп,
Кәрілік ауру болды қолдан келмес.
Жиырма бес (4 нұсқа)
Байжеке, мырза көңлі болды қалай,
Қашқаны аралаушы ең талай-талай.
Қондырсам осынау тұрған қызыл гүлге,
Етуге ептеп сайран жайың қалай.
Жылыой (1 нұсқа)
Кең Жылыой—біздің елдің жайлаған жер,
Белдеуге кербесті атты байлаған жер.
Күлімкөз, оймақ ауыз, қиғаш қаспен
Мезгілсіз таң атқанша ойнаған жер.
Жылыой (2 нұсқа)
Орынбор-Тұзтөбенің тұзын көрсең,
Жылыойдың таң қаларсың қызын көрсең.
Атыңнан түскен қайтып, міне алмайсың,
Әй-әйдің судан қайтқан ізін көрсең.
Жылыойдың қоңыр әні
Ішпедік-ай Жайық суын-ай ылай ма деп-ай,
Толқыны соқса жарға-ау, құлай ма деп.
Жақсымен-ау бас қосуға-ай болдық ынтық,
Иіліп, бүгілуге ойдай-ай, оу, шыдай ма деп-ай.
Жылойдың мәтөк әні
Қарлығаш-ау балапанын-оу, жарға салған,
Жаңылып ат жорғасын-ау қарға салған.
Кешегі жиырманың ғой бар шағында,
Біздерден құтылған жоқ еді, о, жаным,
Пікірлер
-
Айым
Кушты -
амина к
өлең керемет -
амина к
Өлең тамаша
- Асқар Сүлейменов
- Асқар Сүлейменов
- Асқар Сүлейменов
- Асқар Сүлейменов
Барлық авторлар
Ілмек бойынша іздеу
Мақал-мәтелдер
Қазақша есімдердің тізімі