Айым келедi, сүйiншi, Күнiм келедi!
Айым келедi, сүйiншi, Күнiм келедi!
Күлгенi қандай десеңшi, күлiмдегенi?!
Жүргенiн көрсем,
Бөлмеге кiргенiн көрсем,
Жанарыңда жаз күнi жайнағандай,
Жанарыңда жаз күнi жайнағандай,
Таңдайыңда таң құсы сайрағандай.
Балдай тəттi лебiзiң балбыратып,
Алпыс екi тамырды жайлағандай.
Мен сенi неге көрдiм түстен кейiн?
Мен сенi неге көрдiм түстен кейiн?
Болдым ғой əбiгерге түскендейiн.
Өн-бойым, өзегiмдi өрт жалайды
У қосып бал шарапқа iшкендейiн.
Шақырма, шақырмашы биге менi
Шақырма, шақырмашы биге менi,
Ауызым сол құрғырдан күйген едi..
Қарағым, мен мүбада билей қалсам,
Қара жер қамырдайын иленедi!
Көзiңнен керемет бiр сəуле көрдiм
Көзiңнен керемет бiр сəуле көрдiм,
Сəуленi ұстаймын деп əурелендiм.
Салмағы сары алтындай сен тұрғанда,
Қайтемiн қаңылтырын саудагердiң?!
Мен үшiн жаралғаның анық екен
Мен үшiн жаралғаның анық екен,
Өзгенiң əнi бөтен, жаны бөтен.
Тəуекел қайығына бiрге мiнсең,
Аман-сау от пен судан алып өтем.
Бiр тамшы көздiң жасындай
Құмарым қойды-ау басылмай,
Қабағым сенсiз ашылмай.
Көркiңнен əзiз айналдым
Бiр тамшы көздiң жасындай.
Құлпырып кетiпсiң ғой, жаным, бүгiн
Құлпырып кетiпсiң ғой, жаным, бүгiн,
Құйды екен жанарыңа жалынды кiм?..
Көркiңнен көз алатын халде емеспiн
Көргендей ханзаданың қалыңдығын.
Көзiңдегi бiр мұңды
Көзiңдегi бiр мұңды,
Көңiлiңдегi кiрбiңдi
Өшiргiм келдi,
Көшiргiм келдi өзiме.
Лебiзiңе сенiп ем шырын, майда
Лебiзiңе сенiп ем шырын, майда,
Кешегi айтқан уəдең бүгiн қайда?
Келiссек те кергiмей, керi кетiп,
Келмей қойды-ау дүние бiр ыңғайға.
Үкілі әнші
Үкi емес, тақияңа бұлт қонғандай,
Арбалып əуезiңе жұрт қалғандай.
Һаронның ханшалары қасыңа ерiп,
Һайямның бал шарабы ұртталғандай...
Ағашқа қаққан сынадай
Ағашқа қаққан сынадай
Арамызға енiп нең бар, Қыз?
Жай бiлгiң келсе сұрамай –
Жаратқан жалғыз, мен жалғыз!
Қыпша белiң қылдырықтай
Қыпша белiң қылдырықтай,
Омырауың бұлдырықтай.
Бұйра толқын қара шашың
Ай тығылған түнгi бұлттай.
Ернiм бара бередi ерiнiңе
Ернiм бара бередi ерiнiңе,
Ерке сезiм ес-түссiз емiнуде.
Алпыс екi тамырың иiгендей
Сен де бейғам бейiлсiң берiлуге.
Қияли өлең
Көрсетсе көрiктi қыз iңкəр қылық,
Көңiлiн ауламай ма сұңқар жiгiт.
Кенелсе кемдi күнге кербез күлiп,
Жөнелсе ендi бiрде шырқауға iлiп!
Пікірлер
-
Саябек Жансая
Жарайсыз! Керемет екен -
Аяжан
Өте керемет -
Асаль мамбетолв
Өте жақсы жазылған мағынасыда керемет -
Нурила
Рахмет -
Біржан Сарай
Ләйлім шырақ
- Альфред Адлер
- Альфред Адлер
- Альфред Адлер
- Альфред Адлер
Барлық авторлар
Ілмек бойынша іздеу
Мақал-мәтелдер
Қазақша есімдердің тізімі