Бала анаға аян,
Атаға күмән.

Ілмектер: бала, ана, ата

---

---

Жыламаған балаға,
Емшек бермейді.

Ілмектер: жылау, бала

---

---

Тісі шыққан балаға,
Шайнап берген ас болмас.

Ілмектер: тіс, ас, бала

---

---

Балалы үй — базар,
Баласыз үй — қу мазар.

Ілмектер: бала, үй, базар, мазар

---

---

Бала күлкіге тоймас,
Болбыр ұйқыға тоймас.

Ілмектер: бала, ұйқы, күлкі

---

---

Ат болатын құлынның,
Бауыры жазық келер,
Адам болатын баланың,
Маңдайы жазық келер.

Ілмектер: төрт түлік мал, адам, бала

---

---

Балалы үйрек көлден кетпес,
Балалы жесір елден кетпес.

Ілмектер: бала, жесір, ел

---

---

Қазанға тиме, қарасы жұғар,
Балаға тиме, бәлесі жұғар.

Ілмектер: қазан, бала, бәле

---

---

Мал балада қалды,
Бай далада қалды.

Ілмектер: мал, бала, дала, бай

---

---

Балалы үйдің ұрлығы жатпас.

Ілмектер: ұрлық, бала, үй

---

---

Боранды күні бала құтырар,
Желді күні ит құтырар.

Ілмектер: боран, ит, бала

---

---

Қыз «қуыршақ» дейді,
Бала «құлыншақ» дейді.

Ілмектер: қыз, бала

---

---

Келіннің сөзі кетпендей,
Баланың сөзі батпандай.

Ілмектер: келін, бала, сөз

---

---

Өз балаң,
Өзекке тепсең де кетпейді;
Кісі баласы,
Кісендесең де тұрмайды.

Ілмектер: бала

---

---

Үш баланы өсіргенше,
Үш шаһар апат болады.

Ілмектер: бала, шаһар, апат

---

---

Баласы бардың өңі ойнар,
Балтасы бардың қолы ойнар.

Ілмектер: бала

---

---

Бала өз несібесін ала туады.

Ілмектер: бала, несібе

---

---

Бір бала, атаға жете туады,
Бір бала, атадан өте туады,
Бір бала, кейін қарай кете туады.

Ілмектер: бала, ата

---

---

Жалғыз баласы бардың
Шығар-шықпас жаны бар.
Екі баласы бардың,
Өкпе, бауыр, жалы бар.
Үш баласы бардың
Бұқарада пұлы бар.

Ілмектер: бала, жалғыз, жан

---

---

Көргенсіз бала — көкірек,
Өнерсіз бала — өкірек.

Ілмектер: көргенсіз, бала

---

---