Жақсы сөзіңді сыйлар
Жаман тезіңді сыйлар.

Ілмектер: жақсы, жаман, сөз

---

---

Жақсы атқа бір қамшы,
Жаман атқа мың қамшы.

Ілмектер: жақсы, жаман

---

---

Жақсының шарапаты
Тиер тар жерде;
Жаманның кесапаты
Тиер әр жерде.

Ілмектер: жақсы, жаман

---

---

Жаман айтпай, жақсы жоқ.

Ілмектер: жаман, жақсы

---

---

Жақсының күнде
Бір ойы кеңиді;
Жаманның күнде
Бір ойы кемиді.

Ілмектер: жақсы, жаман, ой

---

---

Жақсы өз басынан көреді,
Жаман жолдасынан көреді.

Ілмектер: жақсы, жаман, жолдас

---

---

Жақсы келін құрдасыңдай болар,
Жақсы ұлың сырласыңдай болар.

Ілмектер: келін, ұл, жақсы

---

---

Екі жақсы дос болса,
Бірін бірі қия алмас.
Екі тентек қосылса
Бір шаһарға сыя алмас.

Ілмектер: жақсы, дос, мінез-құлық

---

---

Жақсы керісіп отырып
Күліседі.
Жаман келісіп отырып
Керіседі.

Ілмектер: жақсы, жаман, мінез-құлық

---

---

Жақсыны жамандасаң
Аруағы тасады;
Жаманды жамандасаң,
Құты қашады.

Ілмектер: жақсы, жаман, мінез-құлық

---

---

Жақсы жүрген жерін
Мақтап жүреді,
Жаман жүрген жерін
Даттап жүреді.

Ілмектер: жақсы, жаман, мінез-құлық

---

---

Жақсының сөзі кепіл,
Жаманның өзі кепіл.

Ілмектер: сөз, жақсы, жаман, мінез-құлық

---

---

Жаман етіңе келеді,
Жақсы ниетіңе келеді.

Ілмектер: жақсы, жаман, мінез-құлық

---

---

Жақсының өзі де жақсы,
Сөзі де жақсы.

Ілмектер: жақсы, сөз

---

---

Жақсының сөзі:
Шамдай жарық,
Айдай анық.

Ілмектер: жақсы, сөз

---

---

Жаманның қолында болғанша,
Жақсының жолында бол.

Ілмектер: жақсы, жаман, мінез-құлық

---

---

Жақсыдан жаман туса,
Емі табылмас.
Жаманнан жақсы туса,
Теңі табылмас.

Ілмектер: жақсы, жаман, мінез-құлық

---

---

Жақсы жігіт сапардан:
Елін аңсап қайтады,
Алдына мал сап қайтады.
Жаман жігіт сапардан:
Пістесін шағып қайтады,
Қалтасын қағып қайтады.

Ілмектер: жақсы, жаман, жігіт

---

---

Жақсы әйел
Жаман еркекті би етеді.
Жаман әйел
Жақсы еркекті құл етеді.

Ілмектер: жақсы, жаман, әйел

---

---

Жақсының соңынан көп ереді,
Жаманның соңынан шөп ереді.

Ілмектер: жақсы, жаман

---

---